उद्रेक न्युज वृत्त
आरमोरी(गडचिरोली) :-लग्नाचे आमिष दाखवून एका तरुणाने तरुणीवर अत्याचार केल्याचे प्रकरण आरमोरी येथे समोर आले आहे.हा प्रकार मागील दीड वर्षांपासून सुरू असल्याचे उघड झाले आहे.जेव्हा या तरुणाने लग्नाला नकार दिला.तेव्हा या पीडित तरुणीने आरमोरी पोलिस ठाण्यात आरोपीविरोधात तक्रार दाखल केली असून,आरोपी फरार आहे.शुभम बबन सोरते वय २७ वर्षे रा.आरमोरी-बर्डी जि.गडचिरोली असे फरार आरोपीचे नाव आहे.
पोलिसांनी दिलेल्या माहितीनुसार,आरोपी शुभमची मागील दीड वर्षांपूर्वी सोशल मीडियाच्या इन्स्टाग्राम, फेसबुकच्या माध्यमातून लगतच्या जिल्ह्यातील एका तालुक्यातील २१ वर्षीय तरुणीशी ओळख झाली. ओळखीचे रुपांतर मैत्रीमध्ये होऊन नंतर प्रेम जुळले.
यातूनच त्यांच्यात सातत्याने शारीरिक संबंध प्रस्थापित झाले.गुन्हा दाखल झालेल्या व्यक्तीची २०२३ मध्ये सोशल मीडियाच्या माध्यमातून ओळख झाली होती.२०२३ पासून ते मे २०२४ पर्यंत सुरू असलेल्या प्रेमा दरम्यान त्यांनी वेळोवेळी शारीरिक संबंध प्रस्थापित केले होते.तत्पूर्वी या दोघांनी प्रेमाच्या व लग्नाच्या आणाभाकासुद्धा खाल्ल्या.मे २०२४ नंतर सदर तरुणी ही २१ वर्षांची होताच फिर्यादी तरुणीने लग्न करण्यासाठी शुभम सोरते याच्याकडे आग्रह धरला.मात्र,शुभमने लग्नाला नकार दिला.सदर तरुणीने दोनदा तडजोडीअंती दोन्ही घरच्यांच्या मंडळींची सभा लावली.मात्र,शुभमचा लग्नाला विरोध कायम होता.पीडित तरुणीने २४ जुलैला आरमोरी पोलिस स्टेशन गाठून आरोपी विरोधात तक्रार दाखल केली.पीडित तरुणीच्या फिर्यादीवरून आरमोरी पोलिसांनी आरोपी शुभम सोरते याच्या विरोधात भादंवी कलम ३७६ नुसार गुन्हा दाखल करण्यात आला.आरोपी फरार असून,आरमोरी पोलिसांद्वारे त्याचा शोध सुरू आहे.अधिक तपास ठाणेदार विनोद रहांगडाले यांचे मार्गदर्शनाखाली महिला पोलिस उपनिरीक्षक संगीता मसराम करीत आहेत.
