आजी-आजोबांच्या घरी गेलेल्या अल्पवयीन मुलीला देसाईगंजच्या तरुणाने पळवले.. – आरमोरी पोलीस ठाण्यात गुन्हा दाखल..

आरमोरी(गडचिरोली):-अल्पवयीन मुलींना पळवणे, अत्याचार करणे व इतर कृत्ये केल्यास  पोक्सो कायदा लागू होतो.पोक्सो कायद्यांतर्गत सर्वप्रथम ‘नो बेल ओनली फॉर जेल’ होत असते.तरीही काहीजण जे होणार ते बघितले जाणार,अशी भूमिका घेतांना दिसून येतात आणि सर्वकाही गमावून बसतात.अश्याच प्रकारे देसाईगंज शहरातील एका २५ वर्षीय तरुणाने चक्क एका १६ वर्षीय अल्पवयीन मुलीला पळवून नेल्याची घटना नुकतीच उघडकीस आली आहे.विशेष म्हणजे ती अल्पवयीन मुलगी आणि तरुण देसाईगंज शहरातीलच असल्याची माहिती आहे.प्रकरणी २५ वर्षीय अविनाश अरुण मेश्राम रा.हनुमान वॉर्ड,देसाईगंज(वडसा)याचेवर आरमोरी पोलीस ठाण्यात गुन्हा दाखल करण्यात आला आहे.

पोलीसांनी दिलेल्या माहितीनुसार,देसाईगंज शहरातील अल्पवयीन १६ वर्षीय तरुणी आरमोरी तालुक्यातील कुकडी येथे आजी-आजोबांच्या घरी मावशीच्या मुलीसह(मावस बहीण)गेली होती.अश्यातच अविनाश मेश्राम हा मंगळवार ३ जून २०२५ च्या मध्यरात्री तरुणीला भेटायला गेला.त्याला भेटून घरी परततांना मामा आल्याचे पाहताच अविनाशने तिला दुचाकीवर बसवून पळवून नेले.प्रकरणी तक्रारीवरून

आरमोरी ठाण्यात गुन्हा दाखल करण्यात आला असून पुढील तपास आरमोरी पोलीस ठाण्याचे पोलिस

उपनिरीक्षक प्रताप लामतुरे करीत आहेत.