मजनुगिरी अंगलट..! अल्पवयीन मुलीचा पिच्छा करून इच्छेविरुद्ध प्रेम प्रगट.. – आरोपीस अटक; गावकऱ्यांमध्ये संताप..

चंद्रपूर :-जिल्ह्याच्या नागभीड तालुक्यातील एका गावातील अल्पवयीन मुलीचा पिच्छा करून तिच्या इच्छेविरुद्ध प्रेम प्रगट करणाऱ्या २१ वर्षीय तरुणास मजनुगिरी अंगलट आल्याची घटना काल,बुधवारी २६ मार्च रोजी उघडकीस आली.आरोपी तरुणाच्या त्रासापायी मुलीने कुटुंबीयांना आपबिती सांगितल्याने पोलिसांत तक्रार दाखल करताच नागभीड पोलिसांनी गुन्हा दाखल करून आरोपी तरुणास अटक केली आहे.सदरची घटना गावकऱ्यांच्या कानावर पडताच घटनेबाबत गावकऱ्यांनी संताप व्यक्त केला आहे. रितेश अविनाश पानसे वय २१ वर्षे असे आरोपीचे नाव आहे.

पोलीसांनी दिलेल्या माहितीनुसार,आरोपी रितेश  पानसे हा अल्पवयीन मुलीच्या मागे लागून ‘मी तुझ्यावर जीवापाड प्रेम करतो,’ माझे प्रेम मान्य कर’ यासाठी तो मुलीचा पिच्छा सोडत नव्हता.त्यातच आरोपीने सोमवारी कीपॅड मोबाइल हातात देऊन होकारासाठी दबाव टाकला.मुलीने अनेकदा त्याला प्रतिकार तसेच टाळण्याचा प्रयत्न केला.मात्र,आरोपी मुलीचा पिच्छाच सोडत नसल्याने तिने याबाबत घरच्यांना सांगितले. घरच्यांनी लगेच नागभीड पोलीस ठाणे गाठून रितेश पानसे विरुद्ध तक्रार दाखल केली.त्यानुसार पोलिसांनी मंगळवारी २५ मार्चच्या रात्री उशिरा पर्यंत गुन्हा दाखल करून आरोपीस अटक केली आहे.प्रकरणाचा पुढील तपास ठाणेदार रमाकांत कोकाटे,सहाय्यक पोलिस निरीक्षक अनुराधा फुकट करीत आहेत.