ऐन संक्रातीच्या दिवशीच तलाठी अडकला एसीबीच्या जाळ्यात..!

वर्धा :-जिल्ह्याच्या कारंजा तालुक्यातील काजळी ग्रामपंचायतीच्या तलाठ्यास ऐन संक्रात सणाच्या दिवशीच तीन हजाराची लाच घेतांना लाच लुचपत प्रतिबंधक विभागाच्या पथकाने तलाठी कार्यालयात सापळा रचून रंगेहाथ अटक केली आहे.ललितकुमार रामकृष्णाजी जोगे वय ४० वर्षे,रा.सुखकर्ता नगर, आलोडी,ता.जि.वर्धा असे अटकेतील लाचखोर तलाठ्याचे नाव आहे.

एसीबीने दिलेल्या माहितीनुसार,प्रकरणातील तकारदार यांची डोंगरगाव शेत शिवारात शेत क्रमांक ५९/१ नुसार २.४९ हे.आर.क्षेत्रात शेत जमिन आहे. शेतीच्या सातबाऱ्यावर सन २०२४-२०२५ मधील पेरेपत्रक (पिकांची नोंद)चढविण्यासाठी तक्रारदार व त्यांचे मित्र ७ जानेवारी २०२६ रोजी काजळी साजाचे तलाठी ललित जोगे यांचेकडे गेले असता त्यांनी ३ हजार रुपयांची मागणी केली.तक्रारदार यांना लाच रक्कम देण्याची मुळीच ईच्छा नसल्याने त्यांनी काल,बुधवार १४ जानेवारी रोजी वर्धा येथील लाच लुचपत प्रतिबंधक विभागाकडे तक्रार दाखल केली. लागलीच ऐन संक्रात सणाच्या दिवशीच एसीबीच्या पथकाने सापळा रचून पडताळणी केली व तलाठी कार्यालयातच ३ हजार रुपये लाचेची रक्कम घेतांना तलाठ्यास रंगेहाथ पकडले.पथकाने तलाठ्याची अंगझडती घेतली असता लाच रकमेसह एक रेडमी कंपनीचा मोबाईल मिळुन आला.प्रकरणी आरोपी तलाठी ललितकुमार जोगे याचेवर कारंजा पोलीस ठाण्यात गुन्हा दाखल करण्यात आला.

सदरची कार्यवाही दिगांबर प्रधान,पोलीस अधिक्षक, लाचलुचपत प्रतिबंधक विभाग नागपुर,माधुरी बाविस्कर,अप्पर पोलीस अधिक्षक,लाचलुचपत प्रतिबंधक विभाग नागपुर यांचे मार्गदर्शानात पर्यवेक्षक अधिकारी राकेश साखरकर,पोलीस उपअधिक्षक, ला.प्र.वि.वर्षा,सापळा अधिकारी कान्होपात्रा बन्सा, पोलीस निरिक्षक संदिप मुपडे,ला.प्र.वि.वर्धा व पथकातील पो.हवा.पंकज डाहाके,मंगेश झांमरे, मपो.हवा.राखी फुलमाळी,पो.कॉ.प्रशांत मानमोडे, मनिष मसराम,लक्ष्मण केंद्रे व चालक स.फौ.गणेश मेश्राम यांचेसह लाचलुचपत प्रतिबंधक विभाग वर्धा यांनी केली.

• नागरिकांना आवाहन👇

लाचलुचपत प्रतिबंधक विभाग,वर्धा कडुन आव्हान करण्यात येते की,कोणी लोकसेवक स्वतः अगर इतरांमार्फत शासकिय कामासाठी लाचेची मागणी करीत असल्यास किंवा खाजगी व्यक्ती मार्फत कोणी लाचेची मागणी करीत असल्यास टोल फ्रि क्रमांक- १०६४, दुरध्वनी क्र.07152-243844 व व्हॉटसॲप मोबाईल क्र.7517611064 व पोलीस उपअधिक्षक, मो.क्र.7350902100 वर संपर्क करावा.तसेच ई.मेल- acbwardha@gmail.com वर तक्रार करावी,असे आवाहन लाच लुचपत प्रतिबंधक विभाग,वर्धा च्या पोलीस निरिक्षक कान्होपात्रा बन्सा यांनी केले आहे.