उद्रेक न्युज वृत्त
आरमोरी(गडचिरोली) :-गडचिरोली जिल्ह्यातील नाही तर संपूर्ण महाराष्ट्रातील महायुती सरकारने महिलांसाठी निर्माण केलेल्या विविध योजनांचा लाभ सर्व स्तरातील महिलांनी घ्यावा; असे आवाहन शिवसेना शिंदे गटाच्या गडचिरोली जिल्ह्याच्या महिला संपर्क प्रमुख वर्षाताई मोरे यांनी गडचिरोली जिल्ह्यातील विविध क्षेत्रातील दौऱ्या दरम्यान केले आहे.
महायुती सरकारच्या कार्यकाळात महिलांचे आर्थिक सक्षमीकरण करण्यासाठी शासनाने महिलांना मोफत तीन सिलेंडर गॅस मुख्यमंत्री अन्नपूर्णा योजनेअंतर्गत देण्यात येणार आहे.त्याचप्रमाणे नुकतीच घोषित केलेली शासनाची लाडकी बहीण योजना या योजनेअंतर्गत २१ वर्षावरील महिलांना दरमहा १५०० रुपयाचे सानुग्रह अनुदान शासनाच्या वतीने महिलांना देण्यात येणार आहे.त्यासाठी आजपर्यंत जवळपास अनेक महिलांची नोंदणी सुद्धा करण्यात आलेली आहे.दौऱ्या दरम्यान जिल्ह्यात वर्षाताई फिरत असताना अनेक गावांच्या भेटी त्यांनी घेतलेल्या आहेत.अनेक महिलांना विविध योजना विषयी मार्गदर्शन करीत आहेत.यामध्ये प्रामुख्याने महायुती सरकारने अंगणवाडी सेविका व आशा वर्कर सेविका तसेच गटप्रवर्तकांना कर्तव्यात असताना जर अपघात झाल्यास दहा लाख रुपये निधी त्यांना मिळणार असून अपंगत्व आल्यास पाच लक्ष रुपयांचा निधी सुद्धा मिळणार आहे.त्याचबरोबर मुलींना मोफत शिक्षण योजना ही सुद्धा महायुती सरकारने निर्माण केलेली असून या योजनेचा सुद्धा सर्व मुलींनी लाभ घ्यावा; असेही मार्गदर्शन त्यांनी केले आहे.त्यानंतर आनंदाचा शिधा शासनाच्या माध्यमातून जे पिवळे रेशन कार्ड धारक आणि केसरी कार्डधारक लाभार्थी आहेत; अशांना आनंदाचा शिधा हा शासनातर्फे यावर्षी सुद्धा गणेश चतुर्थीच्या दरम्यान मिळणार आहे.पुण्यश्लोक अहिल्यादेवी होळकर महिला स्टार्टअप योजना यामध्ये महिलांचा उद्योगात सहभाग व महिलांचे सक्षमीकरण करण्याच्या दृष्टीने महिलांना उद्योग क्षेत्रात भरारी मिळण्यासाठी या योजनांचा सुद्धा लाभ महिलांनी घ्यावा; असेही आवाहन वर्षाताई मोरे यांनी मार्गदर्शन दरम्यान केले.विविध भागाचा दौरा करीत असताना त्यांनी अनेक महिलांच्या सरकारने योजना तयार केल्या असून या योजनेमध्ये महिलांनी जास्तीत जास्त सहभाग घ्यावा.तसेच महिलांना जास्तीत जास्त लाभ देणे विषयी सुद्धा वर्षाताई मोरे यांनी जिल्हाधिकारी गडचिरोली यांच्यासोबत सुद्धा चर्चा केली असून जास्तीत जास्त सहकार्य करावे; अशी मागणी त्यांनी जिल्हाधिकारी यांना केली आहे.
