चक्क दुसऱ्या व्यक्तीच्या सांगण्यावरून पोलीस अधीक्षक कार्यालयासमोर केले विष प्राशन.. – बँक मॅनेजरने खातेधारकाची रक्कम हडपल्याचे प्रकरण..

भंडारा शहराच्या गांधी चौक या ठिकाणी मनप्पुरम गोल्ड लोन नावाची बँक आहे.सदर बँकेकडून सोने गहाण ठेवून कर्ज स्वरूपात रक्कम दिली जाते.त्यामुळे हिमांशू अमित जोशी यांना वडिलांच्या आजारपणामुळे पैशाची गरज होती.हिमांशू हे मनप्पुरम गोल्ड लोन बँकेचे खाते धारक आहेत.पैश्याची गरज असल्याने हिमांशू यांनी गोल्ड लोन बँकेमध्ये १९ जुलै २०२५ रोजी तब्बल २९२ ग्राम सोने गहाण ठेवले होते.या बदल्यात हिमांशू यांच्या युको बँकेच्या बचत खात्यात १८ लाख ७२ हजार रुपयांची रक्कम जमा झाली.मात्र,काही अपरिहार्य कारणांमुळे हिमांशू यांच्या वडिलांची शस्त्रक्रिया महिनाभर लांबली.त्यामुळे गोल्ड लोनची ही रक्कम त्यांच्या खात्यात तशीच पडून राहिली.पैशाची गरज नसल्याने खात्यावर जमा असलेली रक्कम परत करण्यासाठी हिमांशू मनप्पुरम गोल्ड लोन बँकेत गेले.बँक व्यवस्थापक रोहित साहू यांनी गोल्ड लोन खात्यात रक्कम ट्रान्सफर करण्यासाठी दोन कोरे धनादेश घेतले आणि सध्या सर्व्हर डाऊन आहे,दोन दिवसांत रक्कम खात्यात आल्यावर सोने परत घेऊन जाल,असे सांगितले.हिमांशू जोशी यांनी मनप्पुरम गोल्ड लोन बँकेत सोने गहाण ठेवले होते.मात्र, व्यवस्थापक साहू याने त्या सोन्यापैकी ३४ ग्राम सोने मनप्पुरममधून काढून अन्य बँकेत स्वतःच्या नावाने गहाण ठेवल्याचाही प्रकार उघडकीला आला.

हिमांशू जोशी यांनी बँक व्यवस्थापक रोहित साहू याला जे दोन कोरे धनादेश दिले होते,त्याआधारे साहू याने त्याच्या पत्नीच्या खात्यावर अनुक्रमे १६ लाख ८१ हजार ८०० व २५ हजार रुपये,असे एकूण १७ लाख ७६ हजार ८०० रुपयांची रक्कम वळती केली. आरटीजीएसच्या सहाय्याने रक्कम वळविल्याचे स्टेटमेंटमध्ये उघडकीस आली आहे.अश्यातच हिमांशूच्या वडिलांनी बँक मॅनेजर रोहित साहू याला फोन केला असता त्याने, ‘मी माझी लाइफ सेट केली, पैसे देणार नाही,असे उत्तर दिल्याने अमीत जोशी यांना आश्चर्याचा धक्काच बसला.