उद्याला बारावीचा ऑनलाइन निकाल..

उद्रेक न्युज वृत्त :-महाराष्ट्र राज्य शिक्षण मंडळाचा निकाल कधी लागणार,याची उत्सुकता असतांनाच राज्य बोर्डाने काल गुरुवारच्या रात्री परिपत्रक काढत महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्च २०२६ मध्ये घेण्यात आलेल्या इयत्ता बारावीचा ऑनलाइन निकाल उद्या, शनिवार २ मे रोजी दुपारी १ वाजता जाहीर करण्यात येणार आहे. विद्यार्थ्यांना विषयनिहाय मिळालेल्या गुणांचा तपशील संकेतस्थळावर उपलब्ध होईल,तसेच त्याची छायांकित प्रत घेता येणार आहे.यंदा बारावीची परीक्षा १० फेब्रुवारी ते १८ मार्चदरम्यान घेण्यात आली होती. सीबीएसई,सीआयसीएसई बोर्डाचा निकाल जाहीर झाल्यानंतर विद्यार्थ्यांचे लक्ष राज्य मंडळाच्या निकालाकडे लागले होते.विद्यार्थ्यांना mahahsscboard.in, mahresult.nic.in या संकेतस्थळावरून निकाल पाहता येणार आहे.