‘या’ कारणामुळे थांबली शेतकऱ्यांच्या धान बोनसची रक्कम..

उद्रेक न्युज वृत्त :-धान खरेदी केंद्रावर धान विक्री  करणाऱ्या शेतकऱ्यांना दोन हेक्टरपर्यंत प्रति हेक्टर २० हजार रुपयांचे प्रोत्साहनपर अनुदान दिले जाणार आहे.मात्र,मिळणारा बोनस हा फक्त सरकारच्या ऑनलाईन पोर्टलवर नोंदणीकृत शेतकऱ्यांनाच दिला जाईल,अशी घोषणा राज्याच्या महायुतीने मागील वर्षी नागपूरच्या हिवाळी अधिवेशनात केली होती.त्यानुसार त्या-त्या जिल्ह्यातील लाखो शेतकऱ्यांनी सरकारकडून मिळणाऱ्या बोनसचा लाभ घेण्यासाठी ‘भीम पोर्टल’ वर ऑनलाईन नोंदणी केली होती.मात्र,काही धान खरेदी केंद्रांवर ज्यांच्या नावावर शेतीच नाही; त्यांनाही बोनससाठी ऑनलाईन यादीत समाविष्ट करण्यात आले होते.गोंदिया जिल्ह्याच्या गोरेगाव तालुक्यातील काही केंद्रांवर ही बाबसमोर आली आहे.त्यातच गडचिरोली जिल्ह्यातही अशीच स्थिती दिसून आली. त्यामुळे शासनाने या यादींचे पुन्हा एकदा पडताळणीचे आदेश दिले आहेत.मागील खरीप हंगामात प्रत्यक्ष धान खरेदी वेगळीच तर बोनससाठी नोंदणी केलेल्या शेतकऱ्यांची संख्या जास्त होती.त्यामुळे शासनाने नियुक्त केलेल्या तीन पथकांतील कर्मचारी प्रत्येक केंद्रावरून नोंदणीकृत यादी व संलग्न कागदपत्रांची तपासणी करीत आहेत.या यादींच्या तपासणीस दोन ते तीन आठवडे लागणार आहेत.तोपर्यंत बोनसची रक्कम मिळणार नाही.तसेच ज्या शेतकऱ्यांच्या यादी पडताळणी पूर्ण झाली आहेत.त्यांच्या बँक खात्यात रक्कम जमा केली जाईल.अश्यातच बोनससाठी नोंदणीकृत शेतकऱ्यांच्या यादींच्या तपासणीनंतर त्यामध्ये किती फसव्या नावांचा समावेश आहे.किती लोकांनी बनावट सातबारा उतारे,पेरणी प्रमाणपत्र जोडले आहेत,याचा सविस्तर अहवाल तयार करून जिल्हाधिकारी व शासनाला सादर करण्यात येणार आहे.तसेच फसव्या पद्धतीने नोंदणी करणाऱ्या शेतकऱ्यांवर आणि दोषी कर्मचाऱ्यांवर फौजदारी कारवाई करण्याची शक्यता आहे.