कुरखेडा तहसील कार्यालयासमोर भर उन्हात काँग्रेसचे बेमुदत उपोषण आंदोलन.. – आधारभूत धान खरेदी केंद्रे तात्काळ सुरू करण्याची मागणी.

कुरखेडा(गडचिरोली):-कुरखेडा तालुक्यातील रब्बी धान आधारभूत खरेदी केंद्र अद्याप सूरू न झाल्याने नाईलाजास्तव शेतकऱ्यांना मिळेल त्या किंमतीत धान्य खाजगी व्यापाऱ्यांना विकावा लागत आहे. त्यामुळे धान खरेदी केंद्रे तातडीने सूरू करण्यात यावे या मागणी करीता आज,सोमवार १९ मे रोजी भर उन्हात दुपारी १२ वाजेपासून कुरखेडा तहसील कार्यालय समोरे कांग्रेस पक्षाच्या नेतृत्वात शेतकऱ्यांनी बेमुदत उपोषण आंदोलन सुरू केले आहे.

शासन आदिवासी विकास महामंडळ संस्थांमार्फत शासकीय आधारभूत धान खरेदी योजना राबविते. मात्र,रब्बी(उन्हाळी) धानपीक निघून जवळपास १५ दिवसांचा कालावधी लोटूनही महामंडळ प्रशासनाच्या  दिरंगाईमुळे शासकीय धान खरेदी केंद्रे अद्यापही सुरू होऊ शकले नाही.त्यामुळे शेतकऱ्यांची खाजगी व्यापाऱ्यांकडून लूट होत असल्याने ऑनलाईन नोंदणी करीता खरेदी केंद्र तातडीने सुरू करण्यात यावीत, या  मागणीला घेऊन सदर आंदोलन आज सोमवारी सुरू  करण्यात आले आहे.मागण्यासंदर्भात मोठी नारेबाजी करीत शासनाचे लक्ष वेधण्यात आले.मागण्यासंदर्भात तातडीने कार्यवाही न झाल्यास आंदोलन अधिक तीव्र करण्याचा इशारा संतप्त शेतकऱ्यांनी दिला आहे. सदर आंदोलनाचे नेतृत्व तालुका कांग्रेस अध्यक्ष जिवन पाटील नाट,जिल्हा उपाध्यक्ष जयंत पाटिल हरडे,माजी जि.प.सदस्य प्रभाकर तुलावी,माजी पं.स.सभापति गिरीधर तितराम,माजी उपसभापति श्रीराम दुगा,कुरखेडा युवक कांग्रेस अध्यक्ष प्रांजल धाबेकर,दामोधर वट्टी,तुकाराम मारगाये,सुरेश गावतुरे,उस्मान खान,मोहन कुथे,धर्मदास उईके,भावेश मुंगणकर,अनिल ठाकरे, पुंडलीक निपाने,मंगेश वालदे,दिवाकर मारगाये,तेजराम सहारे,रेषीम माकडे,विठ्ठल प्रधान,हरीदास नाकतोडे, विनोद माकडे,अगरसिंग खडाधार,आनंदराव जांभूळकर, संदेश कोटागंले, अशोक डोंगरवार,निलकंठ आलाम, रूपचंद आळे,छगण आडील,गजानन घुगवा,राहूल कपूर,मदन वट्टी, नानाजी वालदे,अरूण उईके,रोहित ढवळे,राजेश आत्राम,मोहन नंदेश्वर,विजय कुथे,दिनकर माकडे सह मोठ्या संख्येने शेतकरी सहभागी झाले.