कुरखेडा शहरात पैगंबर जन्मोत्सव विविध कार्यक्रमांनी उत्साहात साजरा..

कुरखेडा(गडचिरोली):-इस्लाम धर्माचे प्रवर्तक प्रेषीत मोहम्मद पैगंबर यांची १५०१ वी जयंती आज,बुधवार २६ ऑगस्ट रोजी कुरखेडा शहरात विविध सामाजिक उपक्रम राबवित उत्साहात साजरी करण्यात आली.

शहरातील सर्व मुस्लिम बांधवांनी सकाळच्या सुमारास जामा मस्जिद कुरखेडा येथे एकत्र येत येथून मुस्लिम समाजाचे पवित्र स्थळ मक्का मदिनाच्या देखाव्यासह भव्य मिरवणूक काढली.यावेळी ‘अल्लाह हो अकबर’ व विविध धार्मिक नारेबाजी तसेच पैगंबरांचे गुणगान करीत मिरवणूक आझाद चौक,आंबेडकर चौक,मुख्य बाजारपेठ,जूना बसस्थानक,हनूमान मंदिर,कूंभीटोला रोड मार्गे पून्हा जामा मस्जिद कूरखेडा येथे पोहचली. दरम्यान ठिकठिकाणी ईद मिलादून्नबी कमेटीच्या वतीने बालकांना मिठाईचे वाटप करण्यात आले.तर सागर चौकात महाप्रसादाचे वितरण करण्यात आले.यानंतर मस्जिद परीसरात धार्मिक ध्वजारोहण ज्येष्ठ सदस्य सईद अहेमद शेख यांच्या हस्ते करण्यात आला.यावेळी नुकतेच पवित्र हज यात्रा करून परत आलेले फैजान शेख यांचा कमेटीच्या वतीने शाल व पुष्पगूच्छ देत सत्कार करण्यात आला.कार्यक्रमाचे संचालन उसमान खान,तर पैगंबर स्तूती गाण शादाब खान यांनी केले.तर कार्यक्रमाची सांगता जामा मस्जिदचे इमाम दिलशाद अहेमद यांनी देश व समाजात सौहार्द,सूख,समृध्दी नांदण्याकरीता सामुहिक प्रार्थना केली.कार्यक्रमाच्या यशस्वीतेकरीता ईद मिलादून्नबी कमेटीचे अध्यक्ष न्याज सय्यद,उपाध्यक्ष तौकीर शेख,सचिव कासीद कुरेशी,सदस्य फाजील शेख,सरफराज शेख,नावेद शेख,रेहान शेख,मिजान शेख,हूसैन शेख,आसिफ शेख,शहेबाज शेख,जमीर शेख, जमील शेख यांच्यासह सर्व समाज बांधवांनी सहकार्य केले.