पैगंबरांच्या जिवनाचा आदर्श घ्या-इमाम फैजल अजहरी – कुरखेडा येथे समाज प्रबोधन मेळावा..

कुरखेडा(गडचिरोली):-ईद मिलादून्नबी(मोहम्मद पैगंबर जयंती)च्या पूर्वसंध्येला मौलाना आझाद चौक कुरखेडा येथे समाज प्रबोधन मेळावा आयोजित करण्यात आला होता.यावेळी प्रमुख मार्गदर्शक म्हणून नागपूर येथील इमाम फैजल अज़हरी यांनी आपल्या प्रबोधनात सांगितले की,पैगंबर मोहम्मद यांचे जिवन एक आदर्श आहे,या आदर्श जिवन पद्धतीचा अवलंब करून आपल्या जिवनाचे सार्थक करा,असे आवाहन त्यांनी उपस्थित समाज बांधवांना केले.

जामा मस्जिद कुरखेडा व जश्ने ईद मिलादून्नबी कमेटीच्या वतीने आयोजित कार्यक्रमात जामा मस्जिद कुरखेडाचे अध्यक्ष हाजी मसूद शेख,उपाध्यक्ष शमीम शेख,मुतवल्ली हाजी मुजफ्फर शेख,आसिफ शेख,उसमान खान, शहेबाज शेख,बिलाल खाणानी, समीर पठाण,शहेबाज शेख,ईद मिलादून्नबी कमेटीचे अध्यक्ष न्याज सय्यद, उपाध्यक्ष तौकीर शेख,सचिव कासीद कुरेशी यांचेसह मुस्लिम समाज बांधव उपस्थित होते.कार्यक्रमात जामा मस्जिदचे इमाम दिलशाद,अहेमद व हाफीज आसिफ रजा यांनीही उपस्थितांना मार्गदर्शन केले.यावेळी इमाम फैजल अज़हरी यांनी मार्गदर्शनात पूढे सांगीतले की, मिलादून्नबीचा आनंदोत्सव साजरा करतांना इतर धर्मियांच्या भावना दुखावणार नाही,याची काळजी घ्या.आपल्या वर्तणात संयम ठेवा,इतर समाजानेही प्रेरणा घ्यावी असा आदर्श आपल्या कृतीतून दाखवून द्या,असे आवाहन सूद्धा यावेळी त्यांनी केले.