अखेर आरमोरी येथील लाच घेणारा महावितरणचा वरिष्ठ तंत्रज्ञ पोलीस कोठडीत

उद्रेक न्युज वृत्त 

आरमोरी(गडचिरोली) :- वीज जोडणी घेण्याकरिता सर्वे करून चार विद्युत खांब बसत असतांना ते कमी करून तीन विद्युत खांब करण्याच्या कामाकरिता तक्रारदाराकडून दीड हजार रूपयांची लाच स्वीकारणारा महेंद्र डोमाजी बराडे वय ३६ वर्षे वरिष्ठ तंत्रज्ञ महाराष्ट्र राज्य विद्युत वितरण कंपनी आरमोरी,असे अटक करण्यात आलेल्या लाचखोराचे नाव आहे.त्यास १५ जानेवारीला न्यायालयाने दोन दिवसांची पोलिस कोठडी सुनावली.आरमोरी येथील वरिष्ठ तंत्रज्ञ महेंद्र डोमाजी बराडे यास लाचलुचपत पथकाने रविवारी रंगेहाथ पकडले होते.त्यास १५ जानेवारीला जिल्हा न्यायालयात हजर केले. न्यायालयाने त्यास दोन दिवसांची पोलिस कोठडी सुनावली असून ‘एसीबी’ मार्फत अधिक तपास सुरू आहे.