- Advertisement -
- Advertisement -
- Advertisement -
- Advertisement -
उद्रेक न्युज वृत्त
गडचिरोली :-सार्वजनिक वितरण व्यवस्थेतील पात्र लाभार्थ्यांना धान्याचा लाभ नियमितपणे मिळावा आणि शिधापत्रिकेवरील सदस्यांची माहिती अचूक व अद्ययावत राहावी,यासाठी गडचिरोली तालुक्यात ई-केवायसी प्रक्रिया सुरू आहे.शिधापत्रिकाधारकांनी कुटुंबातील पात्र सदस्यांची ई-केवायसी येत्या १५ दिवसांत पूर्ण करून घ्यावी,असे आवाहन तहसीलदार सागर कांबळे गडचिरोली यांनी केले आहे.
ही प्रक्रिया रास्त भाव दुकानात ई-पॉस यंत्राद्वारे बायोमेट्रिक पद्धतीने केली जात आहे.रास्त भाव दुकानदारांनी लाभार्थ्यांना आवश्यक सहकार्य करून प्रक्रिया वेळेत पूर्ण करावी,अशा सूचना देण्यात आल्या आहेत.
ई-केवायसी प्रलंबित राहिल्यास पुढील महिन्यापासून धान्य मिळण्यात अडचण येऊ शकते.त्यामुळे लाभार्थ्यांनी वेळेत ई-केवायसी पूर्ण करून धान्याचा लाभ नियमित सुरू ठेवावा,असे तहसीलदारांनी कळविले आहे.
- सर्व नागरिकांना आवाहन👇
केवळ गडचिरोली जिल्ह्यातीलच नाही,तर राज्याच्या विविध जिल्ह्यातील शिधापत्रिकाधारकांनी ई-केवायसी प्रक्रिया पूर्ण करून घ्यावी.ई-केवायसीच्या माध्यमातून शासन स्तरावरून लाभार्थ्यांची गणना केली जाणार आहे.ज्यांची ई-केवायसी प्रलंबित राहणार अश्यांना धान्य मिळणे बंद होण्याची शक्यता नाकारता येणार नसल्याने ज्या ठिकाणाहून धान्याची उचल करण्यात येत आहे; अश्या रास्त भाव दुकानात जाऊन लाभार्थ्यांनी ई-केवायसी प्रक्रिया करून घ्यावी.
- Advertisement -
