उद्रेक न्युज
चंद्रपूर :- जिल्ह्यातील भद्रावती तालुक्यात धक्कादायक घटना घडल्याचे उघडकीस आले आहे. दारूचे व्यसन सोडण्याचे औषध घेतल्याने गुडगाव येथे राहणाऱ्या दोन तरुणांचा मृत्यू झाला.तर दोन जणांची प्रकृती गंभीर आहे.व्यसन सोडण्यासाठी घेतलेल्या औषधानेच जीव गेल्याने परिसरात खळबळ उडाली आहे.
सहयोग सदाशिव जीवतोडे वय १९ वर्षे,प्रतीक घनश्याम दडमल वय २६ वर्षे राहणार गुळगाव,अशी मृतकांची नावे आहेत तर सदाशिव पुंजाराम जीवतोडे वय ४५ वर्षे व सोमेश्वर उद्धव वाकडे वय ३५ वर्षे या दोघांची प्रकृती चिंताजनक आहे.
मिळालेल्या माहितीनुसार,हे चारही मद्यपी गुडगाव येथील असून मद्यपी वर्धा जिल्ह्यातील जाम जवळच्या शेडगाव येथे शेळके महाराजांकडे दारू सोडण्यासाठी गेले होते.महाराजांनी त्यांना दारू सोडण्याची औषध दिली.त्यानंतर ते आपल्या स्व: गावी परत आले.गावी परतल्या नंतर चौघांचीही प्रकृती बिघडली.प्रकृती बिघडताच लगेच भद्रावती येथील खासगी रुग्णालयात उपचारासाठी नेण्यात आले.यामध्ये सहयोग आणि प्रतीक या दोघांचा उपचारादरम्यान रात्री मृत्यू झाला.तर इतर दोघांची प्रकृती चिंताजनक आहे.सदर घटनेचा तपास भद्रावती पोलीस करीत आहेत.
