कोकडी येथे निःशुल्क मिळणारे दमा औषधाचे वितरण यंदा राहणार बंद…

उद्रेक न्युज वृत्त 

देसाईगंज(गडचिरोली) :- देसाईगंज तालुक्यातील कोकडी येथील वैद्यराज प्रल्हाद कावळे हे मृग नक्षत्र लागताच निःशुल्क आयुर्वेदिक औषधाचे वितरण दमा रुग्णांना बऱ्याच वर्षांपासून करीत आहेत.औषध खाण्याकरिता परिसरातील नागरिकांपासून ते राज्य तसेच राज्याबाहेरील रुग्ण व लोक मोठ्या प्रमाणावर एक दिवसापूर्वीच कोकडी गावामध्ये दाखल होऊन लाखो लोक निःशुल्क मिळणाऱ्या दमा औषधाचे लाभ घेत असतात.अशातच आता यावर्षी वैद्यराज प्रल्हाद कावळे यांच्या प्रकृती अस्वस्थामुळे ७ जुन २०२४ ला औषधीचे वितरण होणार नसल्याची माहिती मिळाली आहे.मागील वर्षी देसाईगंज शहरातील आदर्श महाविद्यालयाच्या प्रांगणात औषध वितरण करण्यात आले होते.या वितरणात लाखो लोकांनी औषधाचा लाभ घेतला होता.मात्र,यंदा दमा औषधीचे वितरण होणार नसल्याची माहिती मिळाली आहे.