उद्रेक न्युज वृत्त
गोंदिया :- मृत्यू कसा आणि कोठे होईल सांगणे कठीण आहे.अशाच एका घटनेत महिलेचा मृत्यू झाला आहे.सकाळी रस्त्याने जाणारे एक भरधाव ट्रॅक्टर घरात घुसला व कपडे धुत असलेल्या महिलेच्या अंगावर गेला.यात महिलेचा जागीच मृत्यू झाला आहे.तर घरात असलेल्या दोन मुली थोडक्यात बचावल्या.सदरची घटना आमगाव नगर परिषद भागातील किडांगीपार परिसरात घडली.किसना बुधराम चोरवाडे वय ५८ वर्षे या आपल्या घरासमोर कपडे धुत होत्या.याचवेळी अचानक समोरून संदीप कोरे हा ट्रॅक्टर चालवीत आपल्या शेतातून धान घेऊन येत होता.चालक मद्यधुंद अवस्थेमध्ये असल्याने त्याचे ट्रॅक्टरवरील नियंत्रण सुटले आणि किसनाबाई यांच्या घरामध्ये ट्रॅक्टर गेले.ट्रॅक्टरच्या चाकामध्ये येऊन किसणाबाई यांचा जागेवरच करून अंत झाला.त्याचबरोबर त्यांच्यासोबत त्यांच्या दोन नात जवळच होत्या.या घटनेत त्या थोडक्यात बचावल्या.अन्यथा ट्रॅक्टर चालकाच्या चुकीमुळे तिघांचा जीव गेला असता.मात्र या ट्रॅक्टर चालकाच्या मद्यधुंद अवस्थेमुळे किसनाबाई यांचा मृत्यू झाला आहे.विशेष म्हणजे या अपघातातील ट्रॅक्टर आरटीओ द्वारा पासिंग केला नसून ट्रॉली अद्यापही विना नंबर आहे.ट्रॉली सुद्धा आरटीओद्वारा पासिंग केल्याचे दिसून येत नाही.याबाबत आमगाव पोलीस पुढील तपास करीत आहे.
