शिक्षकाचे पाच विद्यार्थिनींशी अश्लील चाळे; पालकांनी चपलेने बदडले..

भंडारा :-जिल्ह्यात शिक्षकी पेशाला काळीमा फासणारी घटना आज,मंगळवार १० मार्च रोजी उघडकीस आली आहे.एका ५४ वर्षीय शिक्षकाने इयत्ता चौथीच्या पाच विद्यार्थिनींशी अश्लील चाळे केल्याचा संतापजनक प्रकार भंडारा जिल्ह्याच्या पवनी तालुक्यातील वडेगाव येथील जिल्हा परिषद शाळेत उघडकीस आला.नराधम शिक्षक विद्यार्थिनींना मोबाईलवर अश्लील व्हिडिओ दाखवून गैरवर्तन करायचा.सदरचा प्रकार मुलींनी आपल्या पालकांना सांगितला असता संतप्त पालकांनी आज सकाळी शाळेत जाऊन नराधम शिक्षकाला जाब विचारत चपलेने चांगलेच बदडले.पालकांच्या तक्रारीवरुन पोलिसांनी आरोपी शिक्षकाला अटक केली आहे.अनिल जगन राऊत वय ५४ वर्षे असे आरोपी शिक्षकाचे नाव असून पवनी पोलिसांनी नराधम शिक्षकावर पॉक्सो,विद्यार्थ्यांना धमकावणे,मारणे या प्रकारचे गुन्हे दाखल करून अटक केली आहे.