रस्त्याच्या कडेला उभ्या असलेल्या बसला दुचाकीची धडक; दुचाकीस्वार तरुणाचा मृत्यू..!

भंडारा :-रस्त्याच्या कडेला उभ्या असलेल्या बसला दुचाकीची बसच्या समोरील भागास जोरदार धडक बसल्याने दुचाकीस्वार तरुण दूरवर फेकला जाऊन डोक्याला गंभीर दुखापत झाल्याने तरुणाचा रुग्णालयात नेत असतांना वाटेतच मृत्यू झाल्याची घटना आज, सोमवार ८ सप्टेंबर रोजी सायंकाळी पाच वाजेच्या सुमारास भंडारा पोलिस ठाणे हद्दीतील पालांदूर-मानेगाव राज्यमार्गावरील गोंडेगाव येथील वळणावर घडली. आशिष रमेश गोंडाणे वय ३७ वर्षे, रा.पालांदूर, ता.लाखनी,जि.भंडारा असे अपघातात मृत पावलेल्या दुचाकीस्वार तरुणाचे नाव आहे.

एमएच ०६ एस८८३४ क्रमांकाची बस विहीरगाव वरून पालांदुरमार्गे लाखनीकडे जात होती.अश्यातच गोंडेगाव जवळून जात असतांना समोर म्हशींचा कळप आल्याने बस चालकाने बस रस्त्याच्या कडेला उभी केली होती. त्याचवेळी आशिष गोंडाणे हा एमएच ३६ एएन ५४२८ क्रमांकाच्या दुचाकीने लाखनी वरून स्वगावी पालांदूरकडे परत जात असतांनाच वळणावर उभ्या असलेल्या एसटी बसला दुचाकी जाऊन धडकली.धडकेनंतर आशिष दूरवर फेकला जाऊन रस्त्यावर पडला.त्याच्या डोक्याला जबर मार लागल्याने गंभीर जखमी झाला.लागलीच नागरिकांनी त्याला लाखनी ग्रामीण रुग्णालयात उपचाराकरिता भरती केले.तिथे डॉक्टरांनी तपासणी करून त्यास मृत घोषित केले.पालांदूर पोलिसांनी अपघातस्थळाचा पंचनामा करून मृतदेह शवविच्छेदनासाठी लाखनी येथे पाठवला.घटनेने परिसरात शोककळा पसरली आहे.