ज्या झाडाला लटकून मोठ्या भावाने आत्महत्या केली; त्याच झाडाला लटकून लहान भावानेही जीवनयात्रा संपवली..

भंडारा :-जिल्ह्याच्या लाखनी तालुक्यात एक धक्कादायक घटना उघडकीस आली आहे.तब्बल सात ते आठ वर्षांपूर्वी शेतातील ज्या मोहाच्या झाडाला लटकून म्हणजेच गळफास घेऊन मोठ्या भावाने आत्महत्या केली होती; त्याच मोहाच्या झाडाला लटकून लहान भावानेही जीवनयात्रा संपविल्याने घटनेने ग्रामस्थांमध्ये मोठ्या प्रमाणावर भीती पसरली आहे.सदरची घटना लाखनी तालुक्यातील इसापूर गावात १५ मे २०२६ रोजी उघडकीस आली.आकाश श्रीराम गिदमारे वय २८ वर्षे, रा.इसापूर,ता.लाखनी,जि.भंडारा असे गळफास घेऊन आत्महत्या केलेल्या तरुणाचे नाव असून तो अविवाहित होता.विशेष म्हणजे,श्रीराम गिदमारे यांचा पुतण्या सकाळच्या सुमारास शेतावर गेला असता,सदरची घटना उघड झाली.मृतक आकाश हा शेतातील मोहाच्या झाडाला लटकलेल्या अवस्थेत दिसून आला.फाशी लागला-फाशी लागला,अशी चर्चा रंगताच ग्रामस्थांनी घटनास्थळाकडे धाव घेत बघ्यांची मोठी जमली.दरम्यान, पूर्वी घडलेल्या घटनेने उजाडा दिला.घटनेची माहिती मिळताच पोलिसांनी घटनास्थळ गाठून पंचनामा केला व शवविच्छेदनानंतर मृतदेह नातेवाइकांच्या ताब्यात दिला. विशेष म्हणजे,मोठा भाऊ आणि लहान भावाने एकाच झाडाला तेही गळफासच घेऊन आत्महत्या केल्याने ग्रामस्थ हादरले आहेत.