दोन बिबट्यांमध्ये कडवी झुंज; एक गंभीर जखमी..

भंडारा :-दोन बिबट्यांमध्ये कडवी झुंज होऊन दोघांमध्ये झालेल्या लढाईत एक बिबट गंभीर जखमी झाल्याची घटना आज,गुरुवार १३ फेब्रुवारीला लाखांदूर तालुक्याच्या बोंडगाव देवी जंगल परिसरात घडली. नागरिकांच्या निदर्शनास येताच सदरची माहिती वन विभागास देण्यात आली.त्यानुसार वन विभागाच्या अधिकाऱ्यांनी गंभीर जखमी अवस्थेतील बिबट्यास लाखांदूर येथील तालुका पशुवैद्यकीय रुग्णालयात प्राथमिक उपचारासाठी दाखल केले.डॉ.प्रशांत चौधरी,डॉ.अश्विनी चौधरी,डॉ.प्रवीण सोनवाने यांनी वैद्यकिय तपासणी करून गंभीर जखमी बिबट्यास पुढील उपचारासाठी नागपूर येथील गोरेवाडा प्राणी संग्रहालयात पाठविण्यात आले आहे.वन विभागाच्या वतीने दिलेल्या माहितीनुसार,मोठ्या बिबट्याने ६ महिन्याच्या लहान मादी बिबट्याला गंभीर जखमी केले आहे.