मोठी बातमी आयुध निर्माण कारखान्यात भीषण स्फोट; १३ कामगार ठार झाल्याची बातमी; आजची घटना..

कारखाना परिसरात रुग्णवाहिका व अग्निशमन दलाच्या गाड्या पोहोचल्या आहेत.घटनास्थळी युद्धपातळीवर बचाव व मदतकार्य राबवण्यात येत असल्याची माहिती भंडाऱ्याचे जिल्हाधिकारी संजय कोलते यांनी दिली आहे.आयुध निर्माण कंपनीत झालेला स्फोट एवढा भीषण होता की,जवाहर नगर परिसरातील जवळपासच्या डझनभर गावांना याचा फटका बसला.सध्या कंपनीचे मुख्यद्वार सील करण्यात आले आहे.परिसरातील नागरिकांनी गेट जवळ एकच गर्दी केली आहे.हे सर्वजण रात्रपाळीत कंपनीत कामाला गेलेले आपले नातलग सुखरूप आहेत की नाही? याची विचारणा करत आहेत.सध्यास्थिती कंपनी परिसरात नागरिकांची मोठी गर्दी झाली आहे.स्फोट झालेल्या कारखान्यात चाचणी सुविधा व आधुनिक प्रयोगशाळा आहे.याठिकाणी भारतीय लष्करासाठी अनेक प्रकारची उत्पादने तयार केली जातात.यात ॲसिडपासून अनेक प्रकारच्या स्फोटकांचा समावेश आहे.या स्फोटात ही चाचणी सुविधा व प्रयोगशाळेचे काही नुकसान झाले का? हे तपासले जात आहे.