सरत्या वर्षाची पार्टी आटोपून घरी परतलेल्या तरुणाची विहिरीत उडी घेऊन आत्महत्या…

चंद्रपूर :-मित्रांनी गावात सरत्या वर्षाची पार्टी ठेवली. पार्टीला मित्र मंडळींनी हजेरी लावत पार्टीचा आस्वाद घेऊन आपापल्या घरी परतले.अशातच पार्टी आटोपून घरी परतलेला एक तरुण रात्री १ वाजेच्या सुमारास घरी ठेवलेली दुचाकी घेऊन निघाला; मात्र,घरी परतलाच नाही.तोच दुसऱ्या दिवशी गावाजवळच्या विहिरीत उडी घेऊन आत्महत्या केल्याची घटना काल,बुधवारी १ जानेवारीला सकाळच्या सुमारास उघडकीस आली. सदरची घटना पोंभूर्णा तालुक्यातील सोनापूर येथे घडली.विकास परशुराम वडस्कर वय २७ वर्षे,रा.सोनापूर, ता.पोंभूर्णा असे आत्महत्या केलेल्या तरूणाचे नाव आहे.

अधिक माहिती अशी की,सरत्या वर्षाला सर्वत्र मोठ्या प्रमाणावर पार्टीची धूम असते.त्यामुळे मित्रांनी गावात पार्टीचे आयोजन केले होते.या पार्टीत विकासने सहभाग घेतला होता.पार्टी आटोपून तो घरी आला घरच्या कुणालाही न सांगता एमएच ३४ बिके ६७७१ क्रमांकाच्या दुचाकीने घराबाहेर निघून गेला व त्याने गावाजवळील शरद ठेंगणे यांच्या शेतातील विहिरीत उडी घेऊन आत्महत्या केली.सदर घटनेमुळे गावात हळहळ व्यक्त केली जात आहे.तरुणाने आत्महत्या कां केली? हे अद्यापही गुलदस्त्यात असल्याचे गावकऱ्यांचे म्हणणे आहे.