वाघाचा हल्ला; शेतकरी गंभीर जखमी..

शेतकरी देवाजी वाढई हे बुधवारच्या सकाळी शेतावर गेले होते.दरम्यान,शेतातील धूऱ्यावरील गवत कापत असतांनाच परिसरात दबा धरून बसलेल्या वाघाने अचानकपणे त्यांच्यावर हल्ला चढवला.अचानक झालेल्या हल्ल्याने देवाजी यांनी आरडाओरड केली. त्याचवेळेस जवळच्याच शेतात धान कापणी करणाऱ्या महिला जोरजोरात ओरडू लागल्याने वाघाने घटनास्थळावरून पळ काढला.यामुळे मोठा अनर्थ टळला.मात्र,घडलेल्या या चित्तथरारक घटनेने उपस्थितांच्या मनात धडकी भरली.हल्ल्यात देवाजी वाढई हे गंभीर जखमी झाल्याने त्यांना तातडीने उपचारासाठी रुग्णालयात दाखल करण्यात आले.घटनेने परिसरात भीतीचे वातावरण निर्माण झाले असून वाघाचा तात्काळ बंदोबस्त करण्याची मागणी परिसरातील नागरिकांनी केली आहे.