शेतात बिबटच्या पिल्लाचे दर्शन; वन विभाग बांधावर..!

कापूस वेचणाऱ्या मजूरांना बिबट्याचे पिल्ले दिसताच त्यांनी याबाबत वनविभागाला कळविले. वनविभागाच्या अधिकाऱ्यांनी घटनास्थळ गाठून पाहणी केली असता,एक वीस ते पंचवीस दिवसाचे बिबट्याचे पिलू आढळले.त्या पीलाची आई त्याला रात्री सोबत घेऊन जाणार या हेतूने वनपरिक्षेत्र अधिकारी यांनी त्या पिल्लाला तिथेच ठेवण्याचा संजीवन पर्यावरण संस्थेच्या सदस्यांसोबत चर्चा करुण सकाळ पर्यंत प्रतिक्षा करण्याचा निर्णय घेतला.त्या ठिकाणी चार कॅमेरे पण लावण्यात आले.परंतु काल बुधवारी सकाळी वनकर्मचारी व संजीवन पर्यावरण संस्थेच्या सदस्यांनी पाहणी केली असता,ते पिलू त्याच ठिकाणी होते.थोडे कमजोर ही वाटत होते. ही माहिती विभागीय वनाधिकारी, प्रशांत खाडे, सहाय्यक वनसंरक्षक (तेंदू) व्ही.एस. तरसे यांना देण्यात आली यांच्या मार्गदर्शनात व डॉक्टर कुंदन पोडचलवार यांचे सुचनेनुसार आणि सहाय्यक वनसंरक्षक पी.पी. खेडकर,वनपरिक्षेत्र अधिकारी सावली व्ही.सी.धुर्वे यांच्या उपस्थितीत संजीवन पर्यावरण संस्थेचे अध्यक्ष उमेशसिंह झिरे व सदस्य तन्मयसिंह झिरे यांनी त्या मादी बिबट्याच्या पिलाला सुरक्षितपणे पकडुन पुढील उपचारासाठी त्या पिल्लाला चंद्रपूर येथे पाठविण्यात आले.