विद्यार्थिनींशी असभ्य वर्तन करणाऱ्या शिक्षकास अटक… – आरमोरी येथील जिल्हा परिषद प्राथमिक शाळेचा शिक्षक..

आरमोरी(गडचिरोली):-‘शिक्षण हे वाघणीचे दूध आहे; ते प्राशन केल्याने गुर गुरल्याशिवय राहणार नाही’ असे आपण नेहमी कुठल्या ना कुठल्या तरी कार्यक्रमात ऐकत असतो.मात्र,शिक्षण घेत असतांना ज्या गुरूवर्यांवर आपण विश्वास ठेवतो व ज्ञानार्जनाचे धडे गिरवितो,अशा शिक्षकांकडून असभ्य वर्तन केले जात असेल तर त्याला काय म्हणावे?याबात तात्काळ योग्य पाऊल उचलणे आवश्यक असते.शिक्षकी पेशाला काळीमा फासणारी घटना गडचिरोली जिल्ह्याच्या आरमोरी शहराच्या जिल्हा परिषद प्राथमिक शाळेत उघडकीस आली आहे. त्याबाबत शाळेतील मुलींना वाईट स्पर्श करणाऱ्या आरमोरी येथील सीताबर्डी जिल्हा परिषद प्राथमिक शाळेचा शिक्षक चंद्रभान बांबोळे वय ५० वर्षे याला आरमोरी पोलिसांनी सोमवार दिनांक-२८ ऑक्टोंबर रोजी अटक केली आहे.शिक्षकी पेशाला कलंक लावणाऱ्या  शिक्षकाला कडक शिक्षा द्यावी; अशी मागणी पालकांनी केली आहे.

चंद्रभान बांबोळे हा चौथ्या वर्गाचा वर्गशिक्षक आहे. मुलींच्या खांद्यावर हात ठेवणे,कमरेत हात घालणे, मुलींच्या खांद्यावर स्वतःचे डोके ठेवणे,खाऊ देऊन मुलींची पप्पी घेणे; अशा प्रकारचे असभ्य वर्तन वर्गातच करीत होता.त्याचे हे वर्तन बघून काही मुली दुसऱ्या वर्गामध्ये जाऊन बसत होत्या.याबाबतची माहिती शाळेतीलच एका शिक्षकाने पालकाला दिली. त्यानंतर पालकाने मुलींकडे शहानिशा केली.तेव्हा बाब सत्य असल्याचे दिसून आले.एका पालकाने याबाबतची तक्रार आरमोरी पोलिस स्टेशनमध्ये दाखल केली.पीडित मुलीच्या आईच्या तक्रारीवरून आरोपी शिक्षक चंद्रभान बांबोळे याच्याविरोधात भारतीय न्याय संहिता कलम ७४ सहकलम १२ पोक्सो अंतर्गत गुन्हा नोंद करून अटक करण्यात आली आहे.अधिक तपास आरमोरी पोलिस स्टेशनच्या महिला पोलिस उपनिरीक्षक ज्योती राक्षे करीत आहेत.