महानगरपालिका निवडणूक; आम आदमी पक्षाचे उमेदवार जाहीर..

चंद्रपूर :-राज्यातील २९ महानगरपालिकांचे पडघम वाजले असून मंगळवार २३ डिसेंबरपासून उमेदवारी अर्ज दाखल करण्याची प्रक्रिया सुरू झाली आहे.३० डिसेंबरपर्यंत उमेदवारांना आपली उमेदवारी दाखल करता येणार आहे.त्यानंतर ३१ डिसेंबर रोजी अर्जाची छाननी केली जाईल.तर २ जानेवारीला उमेदवारी अर्ज मागे घेण्याची तारीख आहे.त्यानंतर दुसऱ्या दिवशी म्हणजेच ३ जानेवारी २०२६ रोजी अंतिम उमेदवारी यादी जाहीर केली जाईल,तसेच उमेदवारांना निवडणूक चिन्ह वाटप करता येईल.त्यानंतर १५ जानेवारी २०२६ रोजी मतदान,तर त्यानंतर दुसऱ्याच दिवशी म्हणजेच १६ जानेवारी रोजी मत मोजणी होऊन निकाल घोषित करण्यात येणार आहे.तत्पूर्वी चंद्रपूर शहर महानगरपालिका निवडणुकीत विविध पक्षांनी मोर्चे बांधणी सुरू करून निवडून येण्यायोग्य उमेदवारांचा शोध सुरू केल्याचे चित्र आहे.अश्यातच शहराच्या सर्वांगीण विकासासाठी व सर्वसामान्य नागरिकांच्या प्रश्नांना प्राधान्य देण्यासाठी चंद्रपूर आम आदमी पक्षाच्या वतीने विविध प्रभागातून दहा उमेदवारांची पहिली यादी जाहीर करून निवडणूक प्रचाराला सुरुवात केली आहे.विशेष म्हणजे,पक्षाने शिक्षित,तरुण,सामाजिक कार्याचा अनुभव असलेल्या तसेच विविध क्षेत्रांतील व्यावसायिक उमेदवारांना संधी दिली आहे.यात अभियंते,पत्रकार तसेच उच्चशिक्षित समाजसेवकांचा समावेश आहे.

प्रभाकर आवारी (प्रभाग क्र.-१ ब)

योगेश गोखरे (प्रभाग -१ ड),

संतोष बोपचे (प्रभाग- ३ क),

सुनिल सदभय्या (प्रभाग -७ ड)

मयूर राईकवार (प्रभाग -८ ब),

इंजि.विनोद नगराळे (प्रभाग -१० अ)

तबसूम शेख (प्रभाग -११ क)

राजू कुडे(प्रभाग क्र.-१३ ड)

सुनिल रत्नाकर भोयर (प्रभाग-१५ ब)

 जयदेव देवगडे (प्रभाग- १७ अ)

सदरची यादी ही आम आदमी पार्टीचे महाराष्ट्र प्रदेश जॉइंट सेक्रेटरी सुनिल देवराव मुसळे यांनी जाहीर केली असून केवळ सत्तेसाठी नाही,तर समाजकार्यासाठी पुढे सरसावणाऱ्या पक्षास जनतेकडून सहकार्याची अपेक्षा व्यक्त करण्यात येत आहे.