उद्रेक न्युज वृत्त
चंद्रपूर :-चंद्रपूर शहरातून आज,२८ जुलै रोजी सायंकाळच्या सुमारास मोठी घटना समोर आली आहे.सध्याच्या स्थितीत विदर्भात पावसाने मोठी धूम ठोकली आहे.पाऊस थांबण्याचे नावच घेत नाही.अशातच चंद्रपूर जिल्ह्यात संततधार पाऊस सुरू आहे.मोठे व मध्यम प्रकल्पासह तलाव तुडूंब भरले आहेत.जिल्ह्यातील प्रमुख नद्या दुथडी भरून वाहत आहेत.छोट्या-मोठ्या नाल्यांना पुर आला आहे. त्यातच चंद्रपूर शहरातील महाकाली कॉलरी मार्गावरील स्मशानभूमीसमोर असलेल्या पुलावरून पाणी वाहत असताना आज,रविवारी सायंकाळी साडेचारच्या सुमारास दोन युवकांनी पुराच्या पाण्यात कार नेली.पाण्याचा प्रवाह जास्त असल्याने पुलावर कार जाताच पाण्याच्या प्रवाहात कार पुलावरून घसरू लागल्याने कार चालक आणि सहकारी यांनी प्रसंगावधान साधत कारच्या बाहेर निघाले.कारच्या बाहेर निघताच पुलावरून कार नाल्यात पडली.
सुदैवाने वाहनातून दोघेही बाहेर आल्याने जीव वाचला.मात्र कार पुराच्या पाण्यात वाहून गेली. सायंकाळ पर्यंत त्या कारचा शोध लागलेला नव्हता.
