इन्स्टाग्रामवर मैत्री; नंतर लैंगिक अत्याचार.. – २३ वर्षीय युवकावर गुन्हा दाखल…

भंडारा :-सोशल मीडियाच्या माध्यमातून प्रेम-प्रकरणे जास्तच निखळली जात आहेत.त्यातच अल्पवयीन मुली प्रेमाच्या जाळ्यात अडकून सर्वकाही गमावून बसू लागल्या आहेत.असाच प्रकार भंडारा जिल्ह्यात उघडकीस आला.सुरुवातील एका २३ वर्षीय युवकाची इन्स्टाग्रामवर अल्पवयीन मुलीशी ओळख झाली. अल्पवयीन विद्यार्थिनीसोबत मैत्री करून नंतर तिच्यावर लैंगिक अत्याचार करणाऱ्या युवकाविरुद्ध आंधळगाव पोलिसांनी तिची आई व मुलीच्या तक्रारीवरून गुन्हा दाखल केला आहे.घटनास्थळ लाखनी पोलिस ठाण्याच्या हद्दीतील असल्याने सदर गुन्हा लाखनी पोलिस ठाण्यात वर्ग करण्यात आला आहे.बुद्धशील नाशिक जांभूळकर वय २३ वर्षे असे आरोपीचे नाव आहे.

आंधळगाव पोलिस ठाण्याच्या हद्दीतील एका गावातील इयत्ता दहावीमध्ये शिकणारी १६ वर्षीय अल्पवयीन विद्यार्थिनीची ओळख इन्स्टाग्रामवरून लाखनी पोलिस ठाण्याच्या हद्दीतील २३ वर्षीय बुद्धशील नाशिक जांभूळकर या युवकासोबत झाली. ओळखीचे रूपांतर मैत्रीत झाल्यामुळे त्यांच्या भेटी सुरू झाल्या.अशातच त्याने विद्यार्थिनीला त्याच्या घरी भेटायला बोलावले.त्यावरून रविवारी ८ डिसेंबरला ती त्याच्या गावी जाण्यासाठी निघाली.दुपारी ४ वाजता ती बुद्धशीलच्या दुचाकीवरून त्याचे आईवडील काम करीत असलेल्या वीटभट्टीवर गेले.त्यानंतर त्याच्या गावी रात्री ८ वाजता पोहोचले.घरी कोणीही नसल्यामुळे पीडितेनेच स्वयंपाक केला.एकत्र जेवण केल्यानंतर रात्री त्याने तिच्या इच्छेविरुद्ध लैंगिक अत्याचार केला.दुसऱ्या दिवशी घरी पोहोचल्यावर आईने कुठे व कोणासोबत होती; अशी विचारणा केली असता पीडितेने घडलेला प्रकार सांगितला.त्यानंतर पीडितेने आईसह आंधळगाव पोलिस ठाणे गाठून तक्रार दाखल केली.हे प्रकरण लाखनी पोलिसांना वर्ग झाल्याने आता सहाय्यक पोलिस निरीक्षक आशिष चिलांगे तपास करीत आहेत.