अल्पवयीन मुलीने बाळाला दिला जन्म; आरोपीवर पोक्सो अंतर्गत गुन्हा दाखल..

चंद्रपूर :-दिवसेंदिवस लैंगिक शोषणाच्या प्रमाणात वाढ होत असतांना पोंभुर्णा तालुक्यातील एका गावातील अल्पवयीन मुलीने बाळास जन्म दिला असल्याने लैंगिक शोषणाचा हा प्रकार मंगळवारी २१ जानेवारीला उघडीस आला.त्यानंतर आरोपीवर पोक्सो अंतर्गत गुन्हा दाखल करून अटक करण्यात आलेली आहे.भगवानदास शंकर पस्तमवार वय २० वर्षे,रा.उमरी पोतदार,ता.पोंभुर्णा असे अरोपीचे नाव आहे.

पीडित अल्पवयीन मुलगी ही गर्भवती होती.ती भटक्या समाजातील अशिक्षित मुलगी असल्यामुळे या गोष्टीकडे कोणाचेच लक्ष गेले नाही.मात्र,दोन दिवसाआधी ती गर्भवती असून; बाळाला जन्म देण्यासाठी रूग्णालयात दाखल केले असता.संबंधीत प्रकार उघडीस आला.अल्पवयीन मुलीने बाळाला जन्म दिला असून; तिला चंद्रपूर येथील जिल्हा सामान्य रूग्णालयात उपचारासाठी दाखल करण्यात आले आहे.ती मुलगी अल्पवयीन असल्याने पोतदार पोलिस चौकी अंतर्गत गुन्हा दाखल करण्यात आला. पीडित मुलीला या मुलाचा पिता कोण? याबाबत विचारणा केली असता पीडितेने सांगीतले की,आरोपी शंकर पस्तमवार याच्यासोबत मागील एक वर्षापासून तीचे प्रेमप्रकरण सुरू होते.त्याच प्रेमप्रकरणात ती गर्भवती राहीलेली आहे.पीडितेच्या तक्रारीनुसार पोतदार पोलिसांनी गुन्ह्याची नोंद करून आरोपीला ताब्यात घेतले व काल बुधवारी अरोपीला न्यायालयात हजर केले असता,चंद्रपूर जिल्हा न्यायालयाने आरोपीचे डीएनए सँपल गोळा करण्याकरिता आरोपीला तीन दिवसांची पोलिस कोठडी सुनावण्यात आली आहे.अरोपीच्या बाजूने जिल्हा विधी सेवा प्राधिकरणाच्या अंतर्गत मुख्य लोक अभिरक्षक ॲड. विनोद बोरसे यांनी मोफत विधी सेवा पुरविली आहे.