अन् सरपंच म्हणू लागले; ‘पावसाळ्यामुळे जंतू असू शकतात’..! – ऊसेगावात आढळला पिण्याच्या पाण्यात नारू सदृश्य जंतू; शिवराजपूर गट ग्रामपंचायतीतील प्रकार..

देसाईगंज तालुका मुख्यालयापासून सहा किलोमीटर अंतरावर शिवराजपूर गट ग्रामपंचायत आहे.यामध्ये शिवराजपूर,ऊसेगाव व फरी गावांचा समावेश होतो. सदर ग्रामपंचायतीत मागील वर्षात जल जीवन मिशन योजने अंतर्गत ग्रामस्थांना पिण्याच्या पाण्यासाठी कोट्यवधी रुपयांची पाणी पुरवठा योजना सुरू करण्यात आली आणि ‘हर घर जल’ च्या माध्यमातून ग्रामपंचायतीतर्फे गावकऱ्यांना नळाद्वारे पिण्याचे पाणी उपलब्ध करून देण्यात येत आहे.त्यातच काल,शनिवार १६ ऑगस्ट रोजी ऊसेगाव येथील अजय नेवारे यांच्या कुटुंबातील सदस्य सायंकाळच्या सुमारास नळाद्वारे पिण्याचे पाणी भरत असतांनाच पाण्यात नारू सदृश्य जंतू आढळून आल्याने एकच खळबळ माजली.त्यानुसार ग्रामस्थांनी एकच गर्दी करून याबाबत ग्रामपंचायत प्रशासनास कळवले. अश्यातच जेव्हापासून पिण्याच्या पाण्याच्या टाकीचे बांधकाम झाले तेव्हापासून टाकीची सफाईच करण्यात आली नसल्याचे गावकऱ्यांचे म्हणणे असून सदरच्या प्रकारामुळे गावकऱ्यांनी ग्रामपंचायत प्रशासनाप्रती रोष व्यक्त केला आहे.

• सुषमा सयाम,सरपंचा शिवराजपूर गट ग्रामपंचायत👇

पावसाळा असल्यामुळे जंतू अशू शकतात,आमचे कर्मचारी नियमित ब्लिचिंग पावडर टाकून पाण्याच्या टाकीची साफ-सफाई करतात.