नैनपूरच्या महात्मा गांधी नगर परिषद शाळेत डॉ.बाबासाहेब आंबेडकर जयंती उत्साहात साजरी..

देसाईगंज(गडचिरोली):-देसाईगंज शहराच्या नैनपूर येथील महात्मा गांधी नगर परिषद उच्च प्राथमिक शाळेत आज,मंगळवार १४ एप्रिल रोजी भारतरत्न डॉ.बाबासाहेब आंबेडकर यांच्या जयंती दिनाचे औचित्य साधून सकाळच्या सुमारास भीम जयंतीचा कार्यक्रम अत्यंत उत्साहात व हर्षोल्हासात साजरा करण्यात आला. या कार्यक्रमासाठी पंचशील बौद्ध समाज नैनपूरच्या सभासदांनी शाळेत उपस्थित दर्शवून कार्यक्रमाची शोभा वाढवली.कार्यक्रमाचे अध्यक्षस्थान शाळेचे मुख्याध्यापक खेमराज तिघरे यांनी भूषवले.तर कार्यक्रमाचे प्रभावी संचालन शिक्षक मंगेश तुपट यांनी केले.तर विद्यार्थ्यांना प्रेरणादायी मार्गदर्शन शिक्षिका तृषाली सुखदेव यांनी केले. कार्यक्रमाचे आभार प्रदर्शन शिक्षक ईश्वर गहाणे सर यांनी केले.कार्यक्रमाच्या यशस्वी आयोजनासाठी शिक्षिका अपर्णा जडे,प्राची खरकाटे व प्रियंका तलमले यांनी विशेष परिश्रम घेतले.या प्रसंगी मुख्याध्यापक तिघरे यांनी डॉ.बाबासाहेब आंबेडकर यांच्या जीवनचरित्रावर सविस्तर मार्गदर्शन करून विद्यार्थ्यांना शिक्षण,समानता व सामाजिक न्याय यांचे महत्त्व पटवून दिले.तसेच शाळेतील विद्यार्थ्यांनीही उत्साहाने भाषणे सादर करून आपल्या विचारांची मांडणी केली.पंचशील बौद्ध समाज, नैनपूर येथील प्रमुख अतिथींनी विद्यार्थ्यांना प्रेरणादायी मार्गदर्शन केले व शाळेला भेट देऊन कार्यक्रमाची शोभा वाढवली.हा कार्यक्रम विद्यार्थ्यांसाठी अत्यंत प्रेरणादायी ठरला असून,डॉ. बाबासाहेब आंबेडकर यांच्या विचारांचा वारसा पुढे नेण्याची प्रेरणा सर्वांना मिळाली.