देसाईगंज-आरमोरी काँग्रेस कमिटीची “संघटन सृजन अभियान-पदाधिकारी बैठक” संपन्न..

देसाईगंज(गडचिरोली):-देसाईगंज शहराच्या सिंधू भवन येथे आज,शुक्रवार १७ एप्रिल रोजी तालुका काँग्रेस कमिटी देसाईगंज-आरमोरी यांच्या वतीने आयोजित “संघटन सृजन अभियान-पदाधिकारी बैठक” उत्साहात पार पडली.सिंधू भवन येथे झालेल्या या बैठकीला पदाधिकारी तथा कार्यकर्त्यांचा मोठ्या प्रमाणावर प्रतिसाद लाभला.सदरची बैठक राजस्थानचे आमदार तथा काँग्रेस कमिटी गडचिरोली जिल्ह्याचे निरीक्षक मनीष यादव आणि उमरेडचे आमदार संजय मेश्राम यांच्या प्रमुख उपस्थितीत पार पडली.यावेळी आरमोरी विधानसभा क्षेत्राचे आमदार रामदास मसराम यांनी उपस्थित राहून कार्यकर्त्यांना मार्गदर्शन केले.प्रसंगी आरमोरी विधानसभा क्षेत्रातील विविध पदाधिकारी, कार्यकर्ते व काँग्रेस समर्थक मोठ्या संख्येने उपस्थित होते.बैठकीदरम्यान संघटन विस्तार,जनसंपर्क वाढविणे व पक्षाच्या विचारांचा प्रसार करण्याचा निर्धार व्यक्त करण्यात आला.या बैठकीस राजस्थानचे आमदार तथा काँग्रेस कमिटी गडचिरोली जिल्ह्याचे निरीक्षक मनीष यादव,उमरेडचे आमदार संजय मेश्राम,काँग्रेस कमिटीचे जिल्हाध्यक्ष महेंद्र ब्राह्मणवाडे,काँग्रेसचे ज्येष्ठ नेते सुधीर भातकुलवार,काँग्रेस कमिटीचे प्रदेश महासचिव रवींद्र दरेकर,माजी जिल्हा परिषद बांधकाम सभापती यादवराव ठाकरे,युवक काँग्रेस कमिटीचे प्रदेश महासचिव पंकज गुड्डेवार,विश्वजित कोवासे,माजी जिल्हा परिषद सदस्य ममता पेंदाम तसेच युवक काँग्रेस कमिटीचे जिल्हाध्यक्ष नितेश राठोड,नगरसेवक राजूभाऊ रासेकर,देसाईगंज तालुकाध्यक्ष राजेंद्र बुल्ले,आरमोरी तालुकाध्यक्ष मिलिंद खोब्रागडे आदी मान्यवर,पदाधिकारी तथा कार्यकर्ते उपस्थित होते.