चंद्रपूर :-जिल्ह्याच्या वरोरा शहरात स्थानिक गुन्हे शाखेच्या पथकाने धडक कारवाई करीत आज, शनिवार १५ फेब्रुवारीला सट्टा-पट्टी धारकांच्या मुसक्या आवळून १२ आरोपींना ताब्यात घेत ११ गुन्हे दाखल करीत एकूण ४ लाख २२ हजार ८२० रुपयांचा मुद्देमाल जप्त केला.सदरच्या कारवाईने सट्टा-पट्टी धारकांचे धाबे दणाणले आहेत.
पोलिसांनी सट्टा-पट्टी धारकांच्या आवळल्या मुसक्या.. – सट्टा-पट्टी धारकांकडून ४ लाख २२ हजाराचा ऐवज हस्तगत..
- Advertisement -
- Advertisement -
- Advertisement -
- Advertisement -
उद्रेक न्युज वृत्त
दिवसेंदिवस अवैध धंदे वाढीस लागल्याने यावर कुठेतरी आळा घातला जावा,यासाठी पोलीस अधिक्षक मुम्मका सुर्दशन यांनी चंद्रपुर जिल्हात जुगार,प्रोव्हीशन रेड तसेच अवैध धंद्यावर कारवाईकरण्याचे आदेश स्थानिक गुन्हे शाखा,चंद्रपुर यांना दिले.त्यानुसार स्थानिक गुन्हे शाखेच्या वतीने पथक गठीत करून वरोरा शहरात विविध ठिकाणी मोठ्या प्रमाणात सुरू असलेल्या अवैधरित्या सट्टापट्टीवर वेगवेगळ्या ठिकाणी छापे टाकून सट्टापट्टी चालविणाऱ्या एकुण १२ इसमांना ताब्यात घेवुन त्यांचेवर वरोरा पोलीस स्टेशन येथे वेगवेगळे ११ गुन्हे दाखल करून त्यांच्याकडून नगदी रूपये २२ हजार ८२० रुपये व ८ मोटार सायकल किंमत ४ लाख रुपये असा एकूण ४ लाख २२ हजार ८२० रुपयांचा मुद्देमाल जप्त करण्यात आला.सदर कारवाई पोलीस निरीक्षक महेश कोंडावार यांचे नेतृत्वात सहाय्यक पोलीस निरीक्षक बलराम झाडोकर,पोलीस उपनिरीक्षक विनोद भूरले, पोलीस उपनिरीक्षक मधुकर सामलवार, पोलीस उपनिरीक्षक संतोष निंभोरकार, पोलीस उपनिरीक्षक सुनिल गौरकार व पोलीस स्टॉफ सर्व स्थानिक गुन्हे शाख, चंद्रपुर येथील अधिकारी व कर्मचारी यांनी केली.
- Advertisement -
मुख्य संपादक
सत्यवान ए.रामटेके
मुख्य संपादक

