सोनम वांगचुक यांच्या समर्थनार्थ विद्यार्थी उतरले रत्यावर..

चंद्रपूर :-देशातील सध्याचे चित्र काही खरे नाही. अनेकजण आपली जबाबदारी व चूक मान्य करण्यास तयारच नाहीत.तुम्ही काहीही करा,आम्हाला कसलाही फरक पडणार नाही. ‘आम्ही करू ती पूर्व दिशा’,असे समजून हात झटकण्याचा प्रयत्न केला जातो आहे; पण म्हणतात ना एक दिवस ‘अती तिथे माती’ नक्कीच होणार आहे.अश्यातच लडाख येथील प्रसिद्ध शिक्षणतज्ञ तथा समाजसेवक सोनम वांगचुक यांनी सुरू केलेल्या देशव्यापी आंदोलनाला पाठिंबा दर्शवण्यासाठी आज,सोमवार २० जुलै रोजी चंद्रपुरात विद्यार्थी रस्त्यावर उतरले.त्यांनी जिल्हाधिकारी कार्यालयापुढे हातात फलके घेऊन निदर्शने सुरू केली.याशिवाय,एकता संघर्ष समितीच्या वतीने काही विद्यार्थ्यांनी उपोषण सुरू केले आहे.सोनम वांगचुक यांच्या आंदोलनाला चंद्रपुरात विद्यार्थ्यांनी पाठिंबा दर्शविला आहे.केंद्र सरकारने हे आंदोलन हुकूमशाही पद्धतीने हाताळल्याचा आरोप सर्वत्र केल्या जात आहे.त्यामुळे नीट पेपरफूटी प्रकरणी नैतिक जबाबदारी स्वीकारून केंद्रीय शिक्षण मंत्री धर्मेंद्र प्रधान यांनी राजीनामा द्यावा,अशी मागणी करण्यात येत आहे.विशेष म्हणजे,देशाच्या राजधानीतील जंतर-मंतर येथे सामाजिक कार्यकर्ते तथा पर्यावरणवादी सोनम वांगचुक यांच्या नेतृत्वाखाली सुरू असलेल्या आंदोलनाच्या समर्थनार्थ आज चंद्रपुरात ‘लक्षवेध निदर्शनीय आंदोलन’ आयोजित करण्यात आला. सदरचे आंदोलन जिल्हाधिकारी कार्यालयासमोर दुपारच्या सुमारास सुरू झाले.आंदोलनाच्या माध्यमातून नीट परीक्षेतील कथित गैरव्यवस्थापनाची निष्पक्ष चौकशी, विद्यार्थ्यांवरील अन्यायकारक शैक्षणिक धोरणांचा निषेध, विद्यार्थ्यांच्या उज्ज्वल भविष्यासाठी प्रभावी उपाययोजना,तसेच केंद्रीय शिक्षण मंत्र्यांच्या राजीनाम्याची मागणी करण्यात आली.