कॉलेजमध्ये जाणाऱ्या तरुणी सोबत गैरवर्तन; गुन्हा दाखल..

चंद्रपूर :-कॉलेजमध्ये जाणाऱ्या तरुणीचा पाठलाग करून गैरवर्तन करणे एका ४५ वर्षीय इसमास चांगलेच महागात पडले.प्रकरणी तरुणीने घटनेबाबत माहिती देत पोलीस ठाणे गाठून तक्रार दाखल केली.त्यानुसार पोलिसांनी आरोपी अकबर जाफर खान वय ४५ वर्षे याच्या विरुद्ध कलम ७५ (१),७८(२) बीएनएस २०२३ अंतर्गत गुन्हा नोंदविला आहे.

माहितीनुसार,चंद्रपूर जिल्ह्याच्या बल्लारपूर शहरातील नवीन बस स्टॅण्ड येथे एका इसमाने कॉलेजमध्ये जाणाऱ्या तरुणी सोबत गैरवर्तन केले.सदर इसम तरुणीला पाहून हातवारे करत असे.दोन हफ्त्यापूर्वी तरुणी कॉलेजमध्ये जात असतांना नवीन

बस स्टॅण्ड येथे जवळ बसून हात पकडून चाय प्यायला चाल म्हणून बोलण्याचा प्रयत्न करीत होता.तसेच गुरूवारी सकाळी १० वाजताच्या सुमारास बसमध्ये बसली असता,आरोपीने खिडकी जवळ जाऊन बोलण्याचा प्रयत्न करीत होता.सदर बाब तरुणीने वडीलांना सांगितली.त्यावरून वडिलांनी तरुणीला घेऊन पोलिस स्टेशन येथे तक्रार दाखल केली.घटनेचा पुढील तपास पोलिस निरीक्षक श्याम गव्हाणे यांच्या मार्गदर्शनाखाली सुरू आहे.