विवाहित तरुणाने राहत्या घरीच घेतला गळफास..

आरमोरी(गडचिरोली):-एका विवाहित तरुणाने घरी कुणीही नसतांना राहत्या घरीच गळफास घेऊन आत्महत्या केल्याची घटना आज,सोमवार ११ मे रोजी दुपारच्या सुमारास आरमोरी तालुक्याच्या वैरागड येथे उघडकीस आली.अशोक देवराव बोधनकर वय ३६ वर्षे,रा.वैरागड,ता.आरमोरी,जि.गडचिरोली असे गळफास घेऊन आत्महत्या केलेल्या विवाहित तरुणाचे नाव आहे.

शेतात धान मळणीचे काम सुरू असल्याने आज सकाळपासूनच बोधनकर कुटूंबीय शेतावर होते. अश्यातच अशोक हा काही वेळाने घरी परतला व घरी कुणीही नसल्याची संधी साधून त्याने आपल्या राहत्या घरीच गळफास घेऊन जीवनयात्रा संपविली.सदरची घटना दुपारच्या सुमारास उघडकीस येताच नागरिकांनी घटनास्थळी धाव घेत मोठी गर्दी केली.लागलीच घटनेची माहिती मिळताच आरमोरी पोलिसांनी घटनास्थळी धाव घेत घटनेचा पंचनामा करून मृतदेह उत्तरीय तपासणीसाठी आरमोरी उपजिल्हा रुग्णालयात पाठवला.आत्महत्येचे कारण अद्याप गुलदस्त्यात असून पुढील तपास आरमोरी पोलीस प्रशासन करीत आहे. अशोकच्या पश्चात वृद्ध आई,पत्नी,एक मुलगा आणि एक मुलगी असा परिवार आहे.घटनेने परिसरात हळहळ व्यक्त केली जात आहे.