उद्रेक न्युज वृत्त
भंडारा :- राज्यातील ६५ व त्यावरील वयोमानाच्या ज्येष्ठ नागरिकांना उतार वयात योग्यप्रकारे जीवनयापन करता यावे.अपंगत्व, अशक्तपणा व वृद्धावस्थेत गरजेची साधने खरेदी करणे,मानसिक व शरीर स्वास्थ्य अबाधित ठेवणे,यासाठी मुख्यमंत्री ‘वयोश्री’ योजनेतून अनुदानाचा लाभ दिला जाणर आहे.
या योजनेंतर्गत पात्र वृद्ध लाभार्थ्यांना चष्मा,श्रवणयंत्र, ट्रायपॅड,स्टिल व्हील चेअर फोल्डिंग वॉकर,कमोड खुर्ची,नि-ब्रेस लंबर बेल्ट,सर्वाइकल कॉलर ही साधने खरेदी करता येतील.सन २०२४-२५ या कालावधीतील मुख्यमंत्री वयोश्री योजनेकरिता ऑफलाइन अर्ज स्वीकारण्याची प्रक्रिया सुरू आहे.
मुख्यमंत्री वयोश्री योजनेकरिता पात्र लाभार्थ्यांचे खालीलप्रमाणे कागदपत्रे सादर करावे लागतील.यात आधार कार्ड,मतदान कार्ड,राष्ट्रीयीकृत बँक पासबुक झेरॉक्स (आधार संलग्न),पासपोर्ट फोटो,स्वयं घोषणापत्र, ओळखपत्र पटविण्यासाठी विहित कागदपत्रे, २ लाखांपर्यंत वार्षिक उत्पन्नाचा दाखला कागदपत्रांसह परिपूर्ण अर्ज सहाय्यक आयुक्त समाज कल्याण कार्यालय, जि.प.चौक,भंडारा येथे सादर करावे; असे आवाहन सहाय्यक आयुक्त समाज कल्याण यांनी केले आहे.
