उद्रेक न्युज वृत्त
मुख्य संपादक/सत्यवान रामटेके
देसाईगंज(गडचिरोली) :- शहराच्या कन्नमवार वार्डात नगर परिषदेच्या नळ योजनेची पाईपलाईन फुटल्याने पिण्याच्या पाण्याची गंभीर समस्या निर्माण झाली आहे.यामुळे वार्डातील नागरीकांना अनेक अडचणींचा सामना करावा लागत आहे.वॉर्डातील महिला वर्ग व नागरिकांना पिण्याच्या पाण्यासाठी भर उन्हा-तान्हात वणवण करीत भटकंती करावी लागत आहे.उन्हा-तान्हात वणवण करीत भटकंती करावी लागू नये; त्यामुळे पिण्याच्या पाण्याची समस्या तात्काळ सोडविण्यात यावी; अन्यथा या विरोधात काँग्रेस कार्यकर्ते पिंकु बावणे यांच्या नेतृत्वात तीव्र आंदोलन करण्याचा छेडण्याचा इशारा वार्डातील महिलांनी नगर प्रशासनाला दिला आहे.
देसाईगंज शहराच्या कन्नमवार वार्डात मागील तीन महिण्यापुर्वी सिमेंट काँक्रिट रस्ता तयार करण्यासाठी खोदकाम करण्यात आले.दरम्यान नळ योजनेची पाईपलाईन फुटल्याने या भागातील पाणीपुरवठा बंद करून टँकरने पाणी पुरवठा करण्यात येत आहे. टँकरने करण्यात येत असलेला पाणी पुरवठा एक दिवसाआड करण्यात येत असल्याने पिण्याच्या पाण्याची भीषण समस्या निर्माण झाली आहे.दरम्यान याबाबत वॉर्डातील नागरीकांनी नगर प्रशासनाला वारंवार विनंती करून नळ योजना पूर्ववत करण्याची मागणी केली असता; समस्येकडे हेतुपुरस्सर दुर्लक्ष केल्या जात असल्याचा आरोप केल्या जात आहे. विशेष म्हणजे खोदकाम करताना रस्त्याच्या दुतर्फा असलेल्या नाल्यांची तोडफोड करण्यात आल्याने सांडपाणी चक्क रस्त्यावरुन वाहात आहे.यामुळे परिसरात दुर्गंधी पसरली असून येथील नागरिकांचे आरोग्य धोक्यात आले आहे.पिण्याच्या पाण्यासाठी दुसरी कुठलिच यंत्रणा उपलब्ध नसल्याने व टँकरने एक दिवसाआड पाणी पुरवठा करण्यात येत असल्याने पिण्याचा पाण्याचा गंभीर प्रश्न निर्माण झाला आहे.ही गंभीर बाब लक्षात घेता येथील पिण्याच्या पाण्याची समस्या तत्काळ सोडविण्यात यावी; अन्यथा विरोधात तीव्र आंदोलन करण्याचा इशारा वार्डातील महिलांनी नगर प्रशासनाला दिला आहे.
वॉर्डातील समस्या जाणून घेतांना काँग्रेस कार्यकर्ते पिंकु बावणे,युवा नेते लिलाधर भर्रे,मोहित अत्रे तसेच वार्डातील समस्या मांडतांना शकील उईके,गिता शर्मा,नलिना तेलतुंबडे,भिमाबाई सहारे,इंदुबाई सहारे,इंदिराबाई कुंभरे,रोशनी बुराडे,जोत्सना उईके, अल्का पेंदाम,रिना उईके,दिपाली भानारकर,अनिता गोरडवार,सुनिता नागापुरे,मंगला कामतवार,गयाबाई बावणे,संतोषी सयाम,अनिता नागलवाडे,प्रिती बनकर,मंदा कामटे,अल्का ठवकर,मिनाक्षी सोनेकर,विणा ढोक,रोशनी बुराडे,नेहा उके आदी महिला उपस्थित होत्या.
