उद्रेक न्युज वृत्त
मुख्य संपादक/सत्यवान रामटेके
आरमोरी(गडचिरोली) :- आरमोरी शहराच्या तहसील कार्यालयाच्या मागील बाजूस असलेल्या बर्डी परिसरात मित्राच्या भाड्याच्या खोलीवर गेलेल्या राहुल गजानन सावसाकडे वय २० वर्षे रा.शिवाजी चौक,आरमोरी तसेच अल्पवयीन युवती या दोघांनी गळफास घेऊन आत्महत्या करण्याच्या नादात राहुल चा लगेच मृत्यू झाला.तर प्रेयसीला अर्धवट गळफास लागल्याने ती बेशुद्ध झाली.युवती बेशुद्ध असल्याने अल्पवयीन युवतीला पुढील उपचारासाठी ब्रम्हपुरीच्या खासगी रुग्णालयात हलविण्यात आले.त्यानुसार युवतीवर अतीदक्षता विभागात(ICU) तीन दिवसांपासून उपचार सुरू होते.उपचार सुरू असताना युवतीची प्रकृती काल,१८ मे रोजी दुपारी ३.३० ते ४ वाजेच्या दरम्यान खालावल्याने ब्रम्हपुरीच्या खासगी रुग्णालयातच तिचा मृत्यू झाला.त्यामुळे आरमोरी पोलिसांना तिचे बयाण मिळू शकले नसल्याने प्रियकर आणि प्रेयसीच्या आत्महत्येचे कारण अद्यापही गुलदस्त्यातच राहून गेले आहे.
