आज मुख्यमंत्री देवेंद्र फडणवीस यांचेसह माजी आमदार गजबे यांचा वाढदिवस साजरा.. -वाढदिवसानिमित्त शालेय विद्यार्थ्यांना विविध सहित्यांसह फळांचे वाटप..

देसाईगंज(गडचिरोली):-राज्याचे मुख्यमंत्री तथा गडचिरोली जिल्ह्याचे पालकमंत्री देवेंद्र फडणवीस आणि आरमोरी विधानसभा क्षेत्राचे माजी आमदार, कृष्णा गजबे यांच्या वाढदिवस दिनाचे औचित्य साधून भारतीय जनता पार्टी देसाईगंजच्या वतीने आज,मंगळवार २२ जुलै रोजी देसाईगंज शहरात विविध कार्यक्रमांचे आयोजन करण्यात आले.या निमित्ताने पार्वती निवासी मतिमंद विद्यालय येथे शालेय विद्यार्थ्यांना विविध सहित्यांसह फळांचे वाटप करण्यात आले.मुख्यमंत्री फडणवीस यांचा आज वाढदिवस आहे,तर काल सोमवारी कृष्णा गजबे यांचा वाढदिवस होता. त्यानिमित्ताने आज भाजपातर्फे संयुक्त वाढदिवस साजरा करण्यात आला.

कार्यक्रम प्रसंगी आरमोरी विधानसभेचे माजी आमदार कृष्णा गजबे उपस्थितांना मार्गदर्शन करतांना म्हणाले की, “आजचा दिवस आपल्या सर्वांसाठी अत्यंत महत्त्वाचा आणि आनंदाचा आहे,कारण आज आपण महाराष्ट्र राज्याचे लोकप्रिय मुख्यमंत्री आदरणीय देवेंद्रजी फडणवीस साहेब आणि आपल्या आरमोरी विधानसभा मतदारसंघाचे प्रतिनिधी म्हणून माझ्या वाढदिवसानिमित्त एकत्र जमलो आहोत.सर्वात आधी मी मुख्यमंत्री महोदयांना वाढदिवसाच्या हार्दिक शुभेच्छा देतो. वाढदिवस हा केवळ केक कापून साजरा करण्याचा दिवस नसून,तो समाजसेवेसाठी आणि गरजूंच्या चेहऱ्यावर आनंद आणण्यासाठी एक संधी आहे.आज आपण पार्वती निवासी मतिमंद विद्यालयातील या निरागस मुलांसोबत वाढदिवस साजरा करत आहोत, त्यांना शालेय साहित्य आणि फळे वाटप करत आहोत.हा उपक्रम मला विशेष समाधान देतो.मुख्यमंत्री महोदयांनी नेहमीच समाजातील वंचित आणि दुर्बल घटकांसाठी कार्य केले आहे.त्यांचे कार्य आपल्या सर्वांसाठी प्रेरणादायी आहे.त्यांच्या दूरदृष्टीमुळे आणि प्रयत्नांमुळेच महाराष्ट्र प्रगतीपथावर अग्रेसर आहे.गडचिरोली जिल्ह्याचे पालकमंत्री म्हणूनही त्यांनी या भागाच्या विकासासाठी अनेक महत्त्वपूर्ण निर्णय घेतले आहेत,ज्यामुळे जिल्ह्याच्या विकासाला गती मिळाली आहे. याचबरोबर,आरमोरी मतदारसंघाचा आमदार म्हणून मलाही आपल्या लोकांची सेवा करण्याची संधी मिळाली.आपल्या सर्वांच्या सहकार्याने आणि विश्वासानेच मी हे कार्य करू शकलो.शिक्षण,आरोग्य, रस्ते आणि इतर मूलभूत सुविधा पुरवण्यासाठी आम्ही कटिबद्ध आहोत.आजच्या या कार्यक्रमासाठी उपस्थित असलेले भाजपाचे सर्व पदाधिकारी, कार्यकर्ते आणि उपस्थित नागरिक यांचे मी मनापासून आभार मानतो.आपण सर्वांनी एकत्र येऊन हे कार्यक्रम यशस्वी केले.आपल्या एकजुटीतूनच आपण समाजाला अधिक चांगले आणि मजबूत बनवू शकतो.पुन्हा एकदा मुख्यमंत्री  महोदयांना वाढदिवसाच्या खूप खूप शुभेच्छा आणि आपण सर्वांनी असेच एकत्र येऊन समाजसेवेचे कार्य करत राहावे,अशी अपेक्षा व्यक्त करतो.” असे माजी आमदार कृष्णा गजबे यांनी उपस्थितांना मार्गदर्शन करतांना संबोधित केले.