भरधाव वाहनाच्या धडकेत वाघिणीचा मृत्यू..!

भंडारा :-एका अज्ञात वाहनाने जंगल परिसरातून मार्गक्रमण करीत महामार्ग ओलांडणाऱ्या वाघिणीला जोरदार धडक दिल्याने धडकेत वाघिणीचा दुर्दैवी मृत्यू झाल्याची घटना आज,मंगळवार २२ सप्टेंबर रोजी रात्री सात वाजेच्या दरम्यान भंडारा जिल्ह्याच्या लाखनी तालुक्यातील खुटसावरी फाट्याजवळ राष्ट्रीय महामार्गावर घडली.मृतक वाघीण ही सहा वर्षाची होती. घटना घडल्यानंतर संबंधित चालकाने वाहन थांबविण्याऐवजी घटनास्थळावरून पळ काढला. दरम्यान,महामार्गावर वाघाचा मृत्यू झाल्याची माहिती मिळताच परिसरातील नागरिकांनी घटनास्थळी गर्दी केली.घटनेची माहिती वनविभागाला मिळताच अधिकारी व कर्मचाऱ्यांचे पथक तातडीने घटनास्थळी दाखल झाले. वनाधिकाऱ्यांनी घटनास्थळाची पाहणी करून पंचनामा केला.त्यानंतर,वाघिणीचा मृतदेह ताब्यात घेऊन वन्यजीव संरक्षणाच्या नियमांनुसार पुढील कार्यवाही सुरू करण्यात आली व धडक देणाऱ्या वाहनाचा शोध घेण्यासाठी तपास सुरू करण्यात आला आहे.