जन सेवेतुनच खरी इश्वराची आराधना-किशन नागदेवे -साई मंदिर देवस्थान समितीच्या उपक्रमातून तब्बल २ हजार ५०० रुग्णांची मोफत तपासणी..

देसाईगंज(गडचिरोली):-देसाईगंज येथील राजेंद्र  वार्डातील प्रसिद्ध साई मंदिर देवस्थान समितीच्या वतीने आज,मंगळवार २२ सप्टेंबर रोजी गणेशोत्सव निमित्त  मोफत तपासणी शिबिर आयोजित करण्यात आला.या शिबिरात तब्बल २ हजार ५०० रुग्णांची मोफत तपासणी करण्यात आली व चश्मे वाटप करत आरोग्यसेवा प्रदान करण्यात आली.

या प्रसंगी मार्गदर्शन करतांना माजी नगराध्य किसन नागदेवे म्हणाले की,गणेशोत्सव साजरा करतांना साईमंदीर समितीच्या सदस्यांनी ‘जन सेवा हिच इश्वर सेवा’ ह्या उद्घोषाची प्रचिती करुन दिली.या गणेशोत्सवात समितीच्या सदस्यांनी आरोग्य तपासणी शिबीर आयोजित केले.या उपक्रमात जवळपास २ हजार ५०० रुग्ण आरोग्य तपासणी शिबीराचा लाभ घेत आहेत,ही अतिशय गौरवाची बाब आहे.या शिबिरात कॅन्सर रुग्ण तपासणी,नेत्र रोग तपासणी, हृदय रोग,ब्लड प्रेशर,मधुमेह तपासणीसह दंत तपासणी करून विदर्भातिल प्रसिद्ध डॉक्टकांच्या चमुकडुन इतर उपचार करण्यात आले. पैस्याची इतरत्र उधळण न करता आयोजित करण्यात आलेल्या आरोग्य शिबीरातुन साईमंदीर समितीने मानवतेचे दर्शन घडविले.ही खरी इश्वर सेवा व मानवतेचे दर्शन घडविणारी बाब असल्याचे किशन नागदेवे यांनी म्हटले.

या प्रसंगी भाजपचे जिल्हा महामंत्री सदानंद कुथे, नगराध्यक्षा लता सुंदरकर,देसाईगंज तहसिलदार प्रिती डुडुलकर,नगर परिषदेचे मुख्याधिकारी सतिश चौधरी,उपनगराध्यक्ष नरेश विठ्ठलानी,सभापती  माडुलवार,सभापती सचिन खरकाटे,नगरसेवक विलास लोखंडे,विकास प्रधान राजु जेठानी, नगरसेविका पल्लवी मेंढे,मंदा समर्थ,पार्वता बेदरे, आशा दहिवले,राधिका पत्रे,गुरुमितप्रित कौर चावला यांचेसह पत्रकार प्रा.दयाराम फटिंग.प्रा.दिलिप कहुरके,आनंदसिंग चावला,राजु आकरे,भोला पटेल, चन्द्रकुमार दुबे,शालु दंडवते यांचेसह संजय साळवे यांनी उपस्थिती दर्शविली.या आरोग्य तपासणी शिबीरात शालिनीताई मेघे हॉस्पिटल नागपुरच्या तज्ञ चमूने १६७ रुग्णांची ह्रदयरोग तपासणी करुन औषधोपचार केले.डॉ.प्रणय कोडाप.डॉ.उमाका राऊत यांनी ब्लड शुगर तपासणी करुन औषधोपचार केले.यासह डॉ.अश्विन ढोले व डॉ.मेघा ढोले या दाम्पत्याने रुग्णांची दंत तपासणी करुन औषधोपचार केले.कॅनक्य्अर हॉस्पिटल नागपुरचे विद्यमाने कॅन्सर रोग तज्ञ डॉ.अविनाश भोयर व डॉ.रुता भोयर यांनी संभाव्य रुग्णांची तपासणी केली.नेत्ररोग तज्ञ डॉ. सुनिल फुंडके,डॉ.बि.पी.घोरपडे या चमुने तब्बल ६२३ रुग्ण तपासणी करुन ५२८ रुग्णांना मोफत चश्मे वाटप केले.या सेवाभावी उपक्रमामुळे साईमंदिर देवस्थान समिती राजेंद्र वार्डच्या सदस्यांवर सर्वत्र अभीनंदनाचा वर्षाव केला जात आहे.