आता देसाईगंज तालुक्याच्या ग्रामपंचायतींमध्ये भ्रष्टाचाराचा कळस..!

देसाईगंज(गडचिरोली):-नुकतेच गडचिरोली जिल्ह्याच्या कुरखेडा तालुक्यातील विविध ग्रामपंचायतींमध्ये कोट्यवधी रुपयांच्या आर्थिक घोटाळ्यांची आणि भ्रष्टाचाराची प्रकरणे समोर आलीत. सार्वजनिक निधीचा अपहार करणे आणि शासकीय योजनांमध्ये अनियमितता केल्यामुळे स्थानिक प्रशासन आणि लोकप्रतिनिधींवर गंभीर आरोप करण्यात आलेले असतांनाच आता देसाईगंज तालुक्याच्या काही ग्रामपंचातींमध्ये भ्रष्टाचाराने कळस गाठल्याचे प्रकार लवकरच सार्वजनिक होण्याची चर्चा सर्वत्र दबक्या आवाजात सुरू झाली आहे.विशेष म्हणजे,याविषयी हवेत गोळीबार नाही; तर प्रत्यक्ष पुरावे अधिकाऱ्यांच्या टेबलावर ठेवण्यात येणार असल्याने संबंधितांना सरळ घरचा रस्ता दाखविला जाणार आहे.

कुठलेही काम असो,सर्वच नियमांना अनुसरून करण्यात येतात असे नाही.कामांमध्ये उन्नीस-बिसचा फरक असतोच.पण,जनतेच्या सोयी-सुविधांसाठी आलेल्या निधीवर काम न करताच डल्ला मारल्या जात असेल तर.?अशा लोकांना काय म्हणावे.त्यातच,सुशिक्षित असणारेही त्यात सहभागी होऊन खिसे गरम करण्यात माहीर होत असतील तर जनता-जनार्दन अश्यांना धडा शिकवल्याशिवाय राहणार नाही.कमी रकमेची सहित्ये खरेदी करून जास्त रकमेचे देयक(बिल)काढणे,एकच साहित्य वारंवार खरेदी करणे,जवळीक दुकानदाराच्या नावानेच खरेदी दाखवणे,निविदा तसेच दरपत्रक न मागवता लाखो रुपयांची देयके एकाच दुकानदारास देणे,कामाचे नाव दुसरे व देयके तिसऱ्याच दुकानदाराला देणे,एकाच घटकामध्ये लाखो रुपयांची देयके व इतर अश्या नाना तऱ्हेच्या अत्यंत गंभीर बाबी देसाईगंज तालुक्याच्या काही ग्रामपंचातींमध्ये उघड होऊ लागल्या आहेत.भोळ्या-भाबड्या जनतेची कामे न करता लाखो रुपयांच्या निधीवर हात सफाईचे काम काही जणांनी केल्याचे दिसून येत असल्याने अश्यांचे पितळ लवकरच सार्वजनिक होऊन उघडे पडणार असल्याचे सुजाण नागरिकांनी सांगितले आहे.