कसाई मातेचा माणुसकीला काळिमा फासणारा कारनामा; स्वतःचीच दोन मुले विकली दोन लाखात.. – अल्पवयीन मुलीसोबत भयंकर कृत्य..

चंद्रपूर :-काही कालावधीपासून चंद्रपूर जिल्ह्यात खतरनाक कारनामे उघडकीस येऊ लागलेत.विविध कारनामे उघड होत असतांनाच नुकताच एका कसाई मातेचा माणुसकीला काळिमा फासणारा कारनामा उघडकीस आला आहे.पतीचे काही वर्षापूर्वी निधन झाल्याने ती चंद्रपुरात एका तरुणाच्या प्रेमात पडली आणि त्याच्यासोबतच १५ वर्षाच्या अल्पवयीन मुलीसह राहू लागली.या दरम्यान नराधम तरुणाने अल्पवयीन मुलीवर अत्याचार केल्याने मुलगी गरोदर राहिली.मुलगी गरोदर राहिल्याचे समजताच चंद्रपुरात वाच्यता होईल व आपली बदनामी होऊन भांडाफोड होऊ नये यासाठी प्रियकर आणि तिच्या आईने तिला प्रसूतीसाठी नागपूरच्या मेडिकल कॉलेजमध्ये दाखल केले.तिथे मुलीचे वय विचारले असता, ‘ पुरामध्ये आमची सर्व कागदपत्रे वाहून गेली’ अशी खोटी माहिती देऊन मुलीचे वय २० वर्षे असल्याचे सांगितले.शंका बळावल्याने वैद्यकीय तपासणी दरम्यान डॉक्टरांनी नागपूरच्या अजनी पोलिसांकडे ‘एमएलसी’ पाठवली.अजनी पोलिसांनी झिरो एफआयआर नोंदवत हे प्रकरण चंद्रपूर पोलिसांकडे वर्ग केले आणि प्रकरणाचा मोठा भांडाफोड झाला. तपासाची सूत्रे चंद्रपूर शहराच्या रामनगर पोलिस स्टेशनच्या सहाय्यक पोलिस निरीक्षक अश्विनी वाकडे यांच्याकडे येताच त्यांनी पीडित अल्पवयीन मुलीचे सविस्तर बयाण घेतले.यावेळी त्यांना हे प्रकरण केवळ अत्याचाराचे नसून,यामागे काहीतरी मोठे रॅकेट असल्याचा संशय आला.त्यांनी पीडित मुलीच्या आईला ताब्यात घेतल्यानंतर तिने यापूर्वी स्वतःचीच दोन मुले तेलंगणा आणि स्थानिक पातळीवर प्रत्येकी दोन लाख रुपयांना विकली होती,अशी धक्कादायक बाब समोर आली.अल्पवयीन मुलीच्या पोटी जन्माला आलेल्या नवजात बाळाचीही ती अशाच प्रकारे विक्री करणार होती.प्रकरणी पोलिसांनी मानवी तस्करीचे कलम जोडून बाळाची खरेदी करणाऱ्या एका महिलेला तेलंगणा राज्यातील कागजनगर येथून,तर दुसऱ्या महिलेला चंद्रपूर येथून बेड्या ठोकल्या. प्रकरणातील मुख्य सूत्रधार आणि नराधम प्रियकर अजय फुलझेले वय २६ वर्षे,रा.चंद्रपूर हा सध्या फरार असून पोलिस त्याच्या शोधावर आहेत. प्रकरणी चौघांवर काल शुक्रवारी मानवी तस्करी व पोक्सो अंतर्गत गंभीर गुन्हे दाखल करण्यात आले आहेत.आरोपींना न्यायालयात हजर केले असता न्यायालयाने त्यांना एक दिवसाची पोलिस कोठडी सुनावली.