उद्याला कुरुड गावात गौतमी पाटीलचा जलवा..!

देसाईगंज(गडचिरोली):-गडचिरोली जिल्ह्याच्या देसाईगंज तालुक्यातील कुरुड येथे परंपरेनुसार मकरसंक्रांतीपासूनच्या चौथ्या गुरुवारी म्हणजेच यंदा उद्या,गुरुवार ५ फेब्रुवारीला शंकरपटाचा धरार रंगणार असून परिसरातील अनेक नामांकित बैलांच्या जोड्या आपला वेग आणि ताकद दाखवणार असल्याने शंकरपटासह नाटकांचा आनंद घेण्यासाठी गावात मित्रमंडळी,नातेवाईक आणि पाहुण्यांची रेलचेल वाढली आहे.यामुळे कुरुड गावात एखाद्या सणासारखे वातावरण निर्माण झाले आहे.अश्यातच महाराष्ट्राची मराठमोळी प्रसिद्ध नृत्यांगना गौतमी पाटील जिल्हा परिषद कन्या शाळेच्या प्रांगणावर नृत्यरुपी “पाटलांचा बैल गाडा,त्यानं शेतात केलाय राडा,” व विविध गाण्यांवर जलवा दाखविणार असल्याने यंदाच्या शंकरपटास अनोखा माहोल तयार झाल्याचे चित्र आहे.

विशेष म्हणजे,देसाईगंजच्या कुरुड गावात ८० च्या दशकात एकाच रात्री ८ ते १० नाट्यप्रयोगाची सुरू झालेली परंपरा यावर्षी देखील कायम राहणार आहे.या परंपरेनुसार यावर्षी गावात नऊ नाट्य प्रयोगाचे आयोजन करण्यात आले आहे.यात पंचशील नाट्य कला मंडळ,श्री बाल नभो नाट्य कला मंडळ,श्री दत्त प्रासादिक नाट्य समाज पारधी मोहल्ला,श्री दत्त प्रासादिक नाट्य समाज मोहल्ला,नुतन शेतकरी नाट्य संपदा कांबळी मोहल्ला,तर श्रीराम मंदिर देवस्थान कमेटी सुभाष वार्ड मंडळाच्या वतीने एकूण ६ नाट्यप्रयोगाचे खेळ रंगणार आहेत,तर गौतमी पाटिलचा डान्स हंगामा व ईतर दोन डान्स हंगामे,असे एकूण नऊ प्रयोगांचे आयोजन रसिक जणांसाठी करण्यात आले असल्याने उद्याचा दिवस कुरूड वासियांसह परिसरातील नागरिकांसाठी जणूकाही नवपर्वणीचा ठरणार आहे.