अवैधरित्या रेतीची चोरी; ट्रॅक्टरसह ६ लाख ५ हजार रुपयांचा मुद्देमाल जप्त..

चंद्रपूर :-काही कालावधीपासून बंद स्वरूपात असलेल्या अवैध गौण खनिजांच्या चोरीचे सत्र आता जोर धरू लागले आहेत.चंद्रपूर जिल्ह्यासह गडचिरोली जिल्ह्याच्या काही भागात अवैध रेती तस्करी डोकेवर काढू लागली आहे.अश्याच प्रकारे अवैधरित्या रेती चोरी करून तिची वाहतूक करणाऱ्यांविरुद्ध चिमूर पोलिसांनी धडक कारवाई करत ट्रॅक्टरसह ६ लाख ५ हजार रुपयांचा मुद्देमाल जप्त केला आहे.पोलिसांनी गोपनीय माहितीच्या आधारे नेरी ते चिमूर मुख्य मार्गावर शिवमंदिरासमोर संयुक्तरित्या नाकेबंदी केली असता, ट्रॅक्टर क्रमांक एमएच ३४ एल ७८६९ च्या ट्रॉलीमध्ये एक ब्रास अवैध रेती भरून वाहतूक केली जात असल्याचे आढळून आले. प्रकरणी प्रमोद संतोष धारने,रूपेश कोंडू शेंडे वय ३० वर्षे,दोघेही रा.गोंदेडा, ता.चिमूर,जि.चंद्रपूर असे अटकेतील आरोपींची नावे आहेत.प्रकरणी पोलिसांनी ट्रॅक्टर ट्रॉलीतील अंदाजे ५ हजार रुपये किमतीची रेती तसेच सुमारे ६ लाख रुपये किमतीचा ट्रॅक्टर असा एकूण ६ लाख ५ हजार रुपयांचा मुद्देमाल जप्त केला आहे. सदरची कारवाई पोलिस अधीक्षक मुम्मका सुदर्शन, अप्पर पोलिस अधीक्षक ईश्वर कातकडे,उपविभागीय पोलिस अधिकारी दिनकर ठोसरे व पोलिस निरीक्षक दिनेश लबडे यांच्या मार्गदर्शनाखाली सचिन साठे,रोहित तुमसरे,सचिन खामनकर,सोनू,रूपेश,फाल्गुन परचाके आदींनी केली.