क्रिकेटचा शहेनशहा सचिन तेंडुलकर वाघ पाहण्यासाठी ताडोबात..

चंद्रपूर :-जिल्ह्यातील जगप्रसिद्ध ताडोबा-अंधारी व्याघ्र प्रकल्प अनेकांना भुरळ घालतो आहे.यात एकदा आलेल्या व्यक्तीला अनेकदा येण्याची इच्छा असते. अश्याच प्रकारे क्रिकेटचा शहेनशहा सचिन तेंडुलकर हे आतापर्यंत तब्बल सहावेळा विदर्भात येऊन व्याघ्रदर्शनाच्या मोहात पडले आहेत.अश्यातच परत आता सातव्यांदा ताडोबाच्या व्याघ्र दर्शनासाठी चिमूर तालुक्यात दाखल झाले आहेत.काल शुक्रवारी त्यांची पत्नी अंजली तेंडुलकर आणि मित्रपरिवार व्याघ्र दर्शनासाठी सज्ज झाले आहेत.सचिन तेंडुलकर

यापूर्वी नागपूर जिल्ह्यातील उमरेड-पैरोली-करंडला  अभयारण्यात त्यांना वाघाचे दर्शन लाभले होते.देश-विदेशातील हजारो पर्यटकांना आकर्षित करणाऱ्या ताडोबा व्याघ्र प्रकल्पाने प्रसिद्ध क्रिकेटपटू ब्रायन लारा, अनिल कुंबळे व अनेक नामांकित सिने अभिनेता- अभिनेत्त्यांना भुरळ घातली आहे.सचिन तेंडुलकर तर ताडोबाच्या प्रेमात असून ते दोन दिवस ताडोबात मुक्कामी राहणार आहेत.