चक्क बँक कर्मचाऱ्याकडून कंत्राटी कर्मचारी महिलेचा विनयभंग..

चंद्रपूर :-जिल्ह्याच्या भद्रावती शहरात एका बँक कर्मचाऱ्याचा कारनामा उघडकीस आला आहे.सदरचा कर्मचारी हा बँकेतील कार्यरत कंत्राटी कर्मचारी महिलेला वारंवार त्रास द्यायचा.बँकेत असतांना जाणून बुजून स्पर्श करण्याचा प्रयत्न,रात्री बेरात्री फोन  करायचा.प्रकरणी त्रास असहाय्य झाल्याने महिलेने पोलिसांत धाव घेत तक्रार नोंदवली.महिलेच्या तक्रारीवरून भद्रावती पोलिसांनी ४८ वर्षीय किशोर क्षिरसागर रा.ता.भद्रावती, जि.चंद्रपूर यास काल मंगळवारी गुन्हा दाखल करून अटक केली आहे.

अधिक माहिती अशी की,भद्रावती शहरात यवतमाळ अर्बन बँक असून सदरच्या बँकेत किशोर क्षिरसागर हा कर्मचारी म्हणून काम करतो.सोबतच याच बँकेत पिडीत महिला ही कंत्राटी कर्मचारी म्हणून काम करते.दोघेही एकाच बँकेत काम करत असल्याने बँकेतील कर्मचारी म्हणून ओळख झाली.त्यानुसार एकमेकांचे मोबाईल नंबर शेयर करण्यात आले.अश्यातच आरोपी किशोर हा पीडितेला वारंवार फोन करून त्रास द्यायचा.तसेच बँकेत जवळीकता साधण्याचा प्रयत्न करायचा.त्यामुळे वारंवार होणाऱ्या त्रासाला कंटाळून पीडिताने भद्रावती पोलिसांत तक्रार दाखल केली.त्यावरून आरोपीविरूद्ध विनयभंगाचा गुन्हा दाखल करण्यात आला आहे.