धक्कादायक..! २० वर्षीय तरुणाचे चार वर्षीय अल्पवयीन चिमुकल्यावर अनैसर्गिक कृत्य..

चंद्रपूर :-जिल्ह्यात एक धक्कादायक घटना उघडकीस आली आहे.एका २० वर्षीय नराधम तरुणाने चक्क चार वर्षीय अल्पवयीन चिमुकल्यावर अनैसर्गिक कृत्य केल्याने स्थानिक नागरिकांसह सामाजिक कार्यकर्ते आणि बालहक्क संरक्षण समित्यांनी घटनेचा तीव्र निषेध नोंदवत आरोपीला कठोरात-कठोर शिक्षा मिळण्याची मागणी केली  आहे.सदरची घटना ही चंद्रपूर जिल्ह्याच्या वरोरा शहरात सोमवारच्या रात्री घडली असून काल,मंगळवार २२ जुलै रोजी सर्वत्र उघडकीस आल्याने परिसरात संतापाची लाट उसळली आहे. आरोपीवर पोस्को अंतर्गत गुन्हा दाखल करून त्याला अटक केली आहे.साहिल तेलंग वय २० वर्षे, रा.ता.वरोरा,जि.चंद्रपूर असे आरोपीचे नाव आहे.

वरोरा शहरातील एका तलाव परिसरात तलावाच्या मधोमध काही वर्षांपूर्वी उद्यानाची निर्मिती करण्यात आली आहे.सदर तलाव हे वरोरा नगरपरिषदेच्या अखत्यारीत येते.गेल्या काही कालावधीपासून तलावातील उद्यानात व्यसनाधीन मुलांचा वावर वाढलेला असल्याची परिसरात चर्चा आहे.अश्यातच सोमवारच्या रात्री साडेआठ वाजेच्या दरम्यान साई मंगल कार्यालय येथे वास्तव्यास असलेल्या साहिल तेलंग या आरोपीने चॉकलेटचे आमिष दाखवून एका अल्पवयीन मुलास तलाव परिसरात नेले आणि अनैसर्गिक कृत्य केले.सदरची घटना तेथील काही नागरिकांना माहीत होताच नागरिकांनी आरोपीला चांगलाच चोप दिला.त्यानंतर पीडित बालकाने सदरची बाब घरी गेल्यानंतर वडिलाला सांगितली.वडिलाने तक्रार केल्यानंतर वरोरा पोलिसांनी आरोपी विरुद्ध पॉक्सोअंतर्गत गुन्हा दाखल करून आरोपीला न्यायालयासमोर हजर केले असता न्यायालयाने त्याला दोन दिवसांची न्यायालयीन कोठडी सुनावली आहे.सदरची कारवाई सहाय्यक पोलीस निरीक्षक शरद भस्मे,पोलिस उपनिरीक्षक मनोज वासाडे,शरद मस्के,तीरानकर यांनी केली.