कागदपत्रे मागितले असता बिंग फुटले अन् जाळ्यात अडकले..! – गोंदिया,भंडारा येथुन जनावरे खरेदी केल्याच्या सादर केल्या पावत्या..

चंद्रपूर :-कत्तलीसाठी जनावरांची वाहतूक होत असल्याची गुपितरित्या माहिती चंद्रपूर स्थानिक गुन्हे शाखेच्या पथकास मिळताच वाहने अडवून माहिती घेण्यात आली असता ट्रक चालक व क्लिनर यांनी गोंदिया,भंडारा येथुन जनावरे खरेदी केल्याच्या पावत्या सादर केल्या.मात्र,तपासणीअंती वाहतूक करण्यात येत असलेल्या पावत्यांवर शासकीय अधिकाऱ्यांच्या करण्यात आलेल्या स्वाक्षऱ्या बनावट असल्याचे आढळून येताच बिंग फुटले अन् जाळ्यात अडकले असल्याची घटना शनिवार २१ जून रोजी चंद्रपूर जिल्ह्याच्या घूग्घूस मार्गावरील धानोरा टोल नाका परिसरात घडली.प्रकरणी तब्बल ६ ट्रक आणि ७२ गोवंश असा एकूण १ कोटी ७० लाख ७० हजार  रुपयांचा मुद्देमाल जप्त करण्यात आला असून १८ आरोपींविरुद्ध घुग्गुस पोलीस ठाण्यात गुन्हा दाखल करण्यात आला आहे.

माहितीनुसार,अवैधरीत्या गोवंशाची घुग्घुस मार्गाहून पडोली,चंद्रपुर असे तेलंगणा राज्यात वाहतुक होत असल्याची माहिती चंद्रपूर स्थानिक गुन्हे शाखेच्या पथकाला प्राप्त झाली.प्राप्त माहितीवरून स्थानिक गुन्हे शाखेने धानोरा टोल नाका,घुग्घुस मार्गे या ठिकाणी नाकाबंदी करून ६ ट्रकची पाहणी केली असता, वेगवेगळया ट्रक मध्ये क्षमतेपेक्षा जास्त प्रमाणात गाई,बैल (गोवंश) भरून त्यांची कत्तली करीता वाहतुक करतांना आढळून आले.सदर वाहनाचे चालक,क्लिनर यांना वाहतुक करीत असलेल्या जनावरांबाबत कागदपत्रे मागितले असता त्यांनी गोदिया,भंडारा येथुन जनावरे खरेदी केल्याच्या पावत्या सादर केल्या.सदर पावत्या संबंधाने पडताळणी केली असता जनावरे वाहतुक करीत असलेल्या पावत्यांवर शासकीय अधिकाऱ्यांच्या बनावट स्वाक्षऱ्या करुन अवैधरीत्या गोवंशाची वाहतूक केली जात असल्याचे स्पष्ट झाले.त्यानुसार ट्रक चालकांकडुन ६ ट्रक,जनावरे वाहतुक करण्यासाठी वापरलेली पायलटींग वाहने व ७२ गोवंश असा एकुण १ कोटी ७० लाख ७० हजार रुपयांचा मुद्देमाल जप्त करून एकुण १८ आरोपींविरुध्द घुग्घुस पोलीस स्टेशन येथे गुन्हा नोंद करण्यात आला.अवैधरित्या कत्तली करीता वाहतुक करीत असलेले जनावरे हे सुरक्षेच्या दृष्टीने प्यार फाउंडेशन, छोटा नागपुर,जि.चंद्रपुर यांचेकडे जमा करण्यात आले आहे.

सदरची कारवाई पोलीस अधिक्षक मुम्मका सुदर्शन, अप्पर पोलीस अधिक्षक रिना जनबंधु यांचे मार्गदर्शनाखाली पोलीस निरीक्षक अमोल काचोरे यांचे नेतृत्वात सहाय्यक पोलीस निरीक्षक बलराम झाडोकार,पोलीस उपनिरीक्षक विनोद भुरले,पोलीस उपनिरीक्षक संतोष निंभोरकार,पोलीस उपनिरीक्षक

 सुनिल गौरकार,सहाय्यक फौजदार. धनराज करकाडे, पोलीस हवालदार सुभाष गोहोकार,सतिश अवथरे, रजनिकांत पुठ्‌ठावार,जयसिंग,गणेश मोहुर्ले,संतोष येलपुलवार,नितीन रायपुरे,प्रशांत नागोसे,किशोर वाकाटे, शशांक बदामवार,दिनेश अराडे,रूषभ बारसिंगे स्थानिक गुन्हे शाखा चंद्रपुर तसेच पोलीस स्टेशन, घुग्घुस येथील सहाय्यक पोलीस निरीक्षक तायवाडे यांचेसह अधिकारी, कर्मचारी तसेच पशुधन विकास अधिकारी घुग्घुस यांनी केली आहे.